நத்தம்:
தமிழ்நாடு பிரிமீயர் ’லீக்’ 20 ஓவர் கிரிக்கெட்போட்டி சென்னை, நெல்லை, நத்தம் ஆகிய 3 இடங்களில் நடந்து வருகிறது.
இன்று இரவு நத்தத்தில் நடக்கும் 23-வது ‘லீக்’ ஆட்டத்தில் காரைக்குடி காளை - ரூபி திருச்சி வாரியர்ஸ் அணிகள் மோதுகின்றன. பத்ரிநாத் தலைமையிலான காரைக்குடி காளை 6 ஆட்டத்தில் 3 வெற்றி, 3 தோல்வியுடன் 6 புள்ளிகள் பெற்று இருக்கிறது.
இன்று தனது கடைசி ‘லீக்’ ஆட்டத்தில் மோதுகிறது. இன்றைய ஆட்டத்தில் வெற்றி பெற்றால் மட்டுமே ‘பிளேஆப்’ சுற்று வாய்ப்பில் நீடிக்க முடியும்.
மேலும் ரன்-ரேட் (-0.04) மோசமாக இருப்பதால் மிகப்பெரிய வெற்றி பெற்றால் சாதகமாக இருக்கும். ஆனால் வெற்றிக்காக கடுமையாக போராடும். பாபா இந்திரஜித் தலைமையிலான திருச்சி 5 ஆட்டத்தில் ஒரு வெற்றி, 4 தோல்வி பெற்று இருக்கிறது. அந்த அணிக்கு இன்னும் 2 ஆட்டம் எஞ்சி உள்ளன. இந்த இரண்டில் வெற்றி பெற்றாலும் அடுத்த சுற்றுக்கு வாய்ப்புள்ள மற்ற அணிகள் முடிவு பொருத்து இருக்கும். இருந்தபோதிலும் திருச்சிக்கு வாய்ப்பு மிக குறைவாகவே இருக்கிறது.
