அமெரிக்க ஓபன் கிராண்ட் பிரிக்ஸ் கோல்டு பேட்மிண்டன் தொடர் நடைபெற்று வருகிறது. இதில் இந்திய வீரர் காஷ்யப் தனது 2-வது சுற்றில் இலங்கையின் நிலுகா கருணாரத்னேவை 21-19, 21-10 என நேர்செட்டில் வீழ்த்தி காலிறுதிக்கு முன்னேறினார்.
முதல் சுற்றில் ஹங்கேரி வீரருக்கு எதிராக விளையாடும்போது, 21-18, 17-6 என காஷ்யப் முன்னிலையில் இருக்கும்போது எதிர்த்து விளையாடிய வீரர் போட்டியில் இருந்து விலகுவதாக தெரிவித்தார். இதனைத் தொடர்ந்து காஷ்யப் 2-வது சுற்றுக்கு முன்னேறினார்.
காஷ்யத் காலிறுதியில் இந்தியாவைச் சேர்ந்த சமீர் வர்மாவை எதிர்கொள்கிறார். சமீர் வர்மா குரோஷியா மற்றும் பிரேசில் வீரர்களை வீழ்த்தி காலிறுதிக்கு முன்னேறியுள்ளார்.
மற்றொரு வீரர் பிரணாய் அயர்லாந்து வீரரை 21-13, 21-17 எனவும், நெதர்லாந்து வீரரை 21-8, 14-21, 21-16 எனவும் வீழ்த்தி காலிறுதிக்கு முன்னேறியுள்ளார். பிரணாய் காலிறுதியில் ஜப்பான் வீரரை எதிர்கொள்கிறார்.
ஆண்கள் இரட்டையர், பெண்கள் இரட்டையர் மற்றம் கலப்பு இரட்டையர் பிரிவில் இந்திய வீரர்கள், வீராங்கனைகள் தோல்வியை சந்தித்தனர்.
