என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ராகுல்காந்தி பற்றிய விமர்சனம்: திரிணாமுல் காங்கிரசுக்கு காங்கிரஸ் பதிலடி
Byமாலை மலர்19 Sep 2021 3:15 AM GMT (Updated: 19 Sep 2021 3:15 AM GMT)
பிற கட்சிகளின் தலைவர்களை இழிவுபடுத்துவதன் மூலம் எதிர்க்கட்சிகளிடையே ஒற்றுமையை கட்டி எழுப்ப முடியாது என்பதை எல்லோரும் புரிந்து கொள்ள வேண்டும் என ரந்தீப் சுர்ஜேவாலா கூறியுள்ளார்.
புதுடெல்லி:
2024-ம் ஆண்டு நாடாளுமன்ற தேர்தலில் பா.ஜனதாவை வீழ்த்த எதிர்க்கட்சிகளை ஓரணியில் திரட்ட திரிணாமுல் காங்கிரஸ் தலைவர் மம்தா பானர்ஜி பாடுபட்டு வருகிறார். இதற்காக சோனியாகாந்தி, ராகுல்காந்தி ஆகியோரை சந்தித்து பேசினார். இதற்கிடையே, திரிணாமுல் காங்கிரசின் அதிகாரபூர்வ பத்திரிகையான ஜகோ பங்க்ளாவில் ராகுல்காந்தியை விமர்சித்து ஒரு அட்டைப்பட கட்டுரை வெளியாகி இருந்தது. அதில், அக்கட்சியின் மக்களவை தலைவர் சுதிப் பந்தோபாத்யாயா கருத்தும் இடம்பெற்று இருந்தது.
“பிரதமர் மோடிக்கு மாற்று சக்தியாக உருவெடுக்க ராகுல்காந்தி தவறி விட்டார். ஆனால், மம்தா பானர்ஜி மாற்று சக்தியாக வெற்றி பெற்று விட்டார். அவர்தான் எதிர்க்கட்சிகளின் பொதுவான முகமாக மாற வேண்டும்“ என்று அவர் கூறியிருந்தார். இதற்கு காங்கிரஸ் கட்சி நேற்று பதிலடி கொடுத்தது. அக்கட்சியின் தலைமை செய்தித்தொடர்பாளர் ரந்தீப் சுர்ஜேவாலா கூறியதாவது:-
ஜனநாயகத்தை பாதுகாக்கவும், அரசியல் சட்டத்தை பாதுகாக்கவும் மாபெரும் போராட்டத்தை ராகுல்காந்தியும், காங்கிரஸ் கட்சியும் நடத்தி வருகின்றனர். எனவே, ராகுல்காந்தி மீதான தாக்குதல், தேவையற்றது, மலிவான ரசனை என்று கருதுகிறோம். எல்லா கட்சிகளையும், அவற்றின் தலைமையையும் மதிக்கிறோம். ஆனால், பிற கட்சிகளின் தலைவர்களை இழிவுபடுத்துவதன் மூலம் எதிர்க்கட்சிகளிடையே ஒற்றுமையை கட்டி எழுப்ப முடியாது என்பதை எல்லோரும் புரிந்து கொள்ள வேண்டும். ஒற்றுமைக்கு வேட்டு வைக்கக்கூடாது.
இவ்வாறு அவர் கூறினார்.
இதையும் படியுங்கள்...85 சதவீத விமானங்களை இயக்கலாம் - விமான போக்குவரத்து அமைச்சகம் அனுமதி
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X