என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கடந்த ஒரு மாதத்திற்கு மேலாக சமையல் எண்ணெய் விலை குறைந்து வருகிறது: மத்திய அரசு
Byமாலை மலர்16 Jun 2021 1:18 PM GMT (Updated: 16 Jun 2021 1:18 PM GMT)
பாமாயில் எண்ணெய் 19 சதவீதம் அளவிலும், சூரியகாந்தி எண்ணெய் 16 சதவீதம் அளவிலும் குறைந்துள்ளதாக மத்திய நுகர்வோர் விவகாரத்துறை அமைச்சகம் தெரிவித்துள்ளது.
இந்தியாவில் கடந்த ஏப்ரல் மாதத்தைவிட மே மாதத்தில் சில்லறை பணவீக்கம் அதிகமாக இருந்தது. இதற்கு பெட்ரேல், டீசல் விலை உயர்வு முக்கிய காரணமாக எனக் கூறப்படுகிறது. எரிபொருள் விலையால் அத்தியாவசிய பொருட்களின் விலை கடுமையாக உயர்ந்தது.
குறிப்பாக சமையல் எண்ணெய் விலை அதிக அளவில் கூடியது. ஒரு லிட்டர் பாமாயில் எண்ணெய் 150 ரூபாயை நெருங்கியது. சூரியாகாந்தி எண்ணெய் 180-ஐ தொட்டது.
தற்போது சமையல் எண்ணெய் விலை கணிசமான அளவிற்கு குறைந்துள்ளது. இந்த நிலையில் கடந்த ஒரு மாதத்திற்கு மேலாக விலை குறைந்து வருவதாக மத்திய நுகர்வோர் விவகாரம், உணவு மற்றும் பொது வினியோகத்திற்கான அமைச்சகம் தெரிவித்துள்ளது.
மேலும், ‘‘பாமாயில் எண்ணெய் விலை ஒரு கிலோ 115-க்கு விற்பனை செய்யப்படுகிறது. இதன்மூலம் 19 சதவீதம் குறைந்துள்ளது. சூரியகாந்தி எண்ணெய் கிலோ 157-க்கு குறைந்துள்ளது. இதன்மூலம் 16 சதவீதம் குறைந்துள்ளது.
சமையல் எண்ணெயின் விலைகள் சர்வதேச விலைகள் மற்றும் உள்நாட்டு உற்பத்தியையும் உள்ளடக்கிய சிக்கலான காரணிகளை சார்ந்துள்ளது. உள்நாட்டு நுகர்வு மற்றும் உற்பத்தி இடைவெளி அதிகமாக இருப்பதால், இந்தியா கணிசமான அளவு சமையல் எண்ணெயை இறக்குமதி செய்கிறது’’ எனத் தெரிவித்துள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X