இந்தியாவில் தென்மாநிலங்களில்தான் கொரோனா தொற்றின் தினசரி பாதிப்பு அதிகமாக உள்ளது. கடந்த சில வாரங்களாக தினசரி கொரோனா பாதிப்பில் தமிழகம் முதல் இடத்தில் இருந்தது. இன்று கேரளா முதல் இடத்தில் உள்ளது. தமிழகம் 2-வது இடத்தில் உள்ளது.
கேரளாவில் இன்று புதிதாக 12,246 பேர் கொரோனா தொற்றால் பாதிக்கப்பட்டுள்ளனர். 13,356 பேர் டிஸ்சார்ஜ் செய்யப்பட்டுள்ள நிலையில், 166 பேர் உயிரிழந்துள்ளனர். தற்போது வரை 1,12,361 பேர் சிகிச்சை பெற்று வருகிறார்கள். 11,508 பேர் உயிரிழந்துள்ளனர்.
தமிழகத்தில் இன்று புதிதாக 11,805 பேர் கொரோனா தொற்றால் பாதிக்கப்பட்டுள்ளனர். 23,207 பேர் டிஸ்சார்ஜ் செய்யப்பட்டுள்ள நிலையில், 267 பேர் உயிரிழந்துள்ளனர். தற்போது வரை 1,25,215 பேர் சிகிச்சை பெற்று வருகிறார்கள்.
ஆந்திர பிரதேச மாநிலத்தில் கடந்த 24 மணி நேரத்தில் புதிதாக 5,741 பேர் பாதிக்கப்பட்டுள்ளனர். 10,567 பேர் டிஸ்சார்ஜ் செய்யப்பட்டுள்ள நிலையில், 53 பேர் உயிரிழந்துள்ளனர். 75,134 பேர் சிகிச்சை பெற்று வருகிறார்கள்.
கர்நாடகாவில் இன்று 5,041 பேர் புதிதாக பாதிக்கப்பட்டுள்ளனர். 14,785 பேர் டிஸ்சார்ஜ் செய்யப்பட்டுள்ள நிலையில் 115 பேர் உயிரிழந்துள்ளனர். தற்போது வரை 1,62,282 பேர் சிகிச்சை பெற்று வருகிறார்கள்.
தெலுங்கானாவில் கடந்த 24 மணி நேரத்தில் 1,556 பேர் புதிதாக பாதிக்கப்பட்டுள்ளனர். 2,070 பேர் டிஸ்சார்ஜ் செய்யப்பட்டுள்ள நிலையில், 14 பேர் உயிரிழந்துள்ளனர்.
தமிழ்நாடு, கேரளா, ஆந்திரா, கர்நாடகா, தெலுங்கானா ஆகிய ஐந்து மாநிலங்களில் இன்று 36,389 பேர் புதிதாக பாதிக்கப்பட்டுள்ளனர். மத்திய அரசின் இன்றைய காலை அறிக்கையின்படி கடந்த 24 மணி நேரத்தில் இந்தியாவில் புதிதாக கொரோனா தொற்றால் பாதிக்கப்பட்டவர்களின் எண்ணிக்கை 60,471 ஆகும். இந்த ஐந்து மாநிலங்களில் மட்டும் பாதிக்கப்பட்டவர்களின் எண்ணிக்கை 50 சதவீதத்திற்கு மேல் உள்ளது.
