கேரளாவில் மேலும் 32,680-பேருக்கு கொரோனா

திருவனந்தபுரம்:

கேரளாவில் கடந்த 24 மணி நேரத்தில் 32,680- பேருக்கு கொரோனா வைரஸ் தொற்று உறுதி செய்யப்பட்டுள்ளது.  கேரள மாநிலத்தில் இதுவரை கொரோனா உறுதி செய்யப்பட்டவர்கள் எண்ணிக்கை 21 லட்சத்து 18 ஆயிரத்து 263- ஆக உள்ளது.

தொற்று பாதிப்பில் இருந்து இன்று 29 ஆயிரத்து 442- பேர் குணம் அடைந்துள்ளனர். இதுவரை குணம் அடைந்தவர்கள் எண்ணிக்கை 16 லட்சத்து 66 ஆயிரத்து 232- ஆக உள்ளது.  தொற்று பாதிப்புடன் சிகிச்சை பெறுபவர்கள் எண்ணிக்கை 4 லட்சத்து 45 ஆயிரமாக உள்ளது.

கொரோனா தொற்று பாதிப்பைக் கண்டறிய கடந்த 24 மணி நேரத்தில் 1 லட்சத்து 22 ஆயிரத்து 628- மாதிரிகள் பரிசோதிக்கப்பட்டுள்ளன. கேரளாவில் தொற்று பாதிப்பு விகிதம் 26.65 சதவிகிதமாக உள்ளது.

கொரோனா தொற்று பாதிப்பு காரணமாக கேரளாவில்  இன்று 96- பேர்  உயிரிழந்துள்ளனர். மாநிலத்தில் இதுவரை கொரோனா பாதிப்பால் உயிரிழந்தவர்கள் எண்ணிக்கை 6,339- ஆக உயர்ந்துள்ளது.