உ.பி.யில் கொரோனா தொற்றை முறியடித்த பச்சிளம் குழந்தை

லக்னோ:

உத்தர பிரதேசத்தின் காசியாபாத் நகரில் புதிதாக பிறந்த குழந்தை ஒன்று கொரோனா பாதித்த  தாயிடம் இருந்து தொற்று ஏற்பட்டு பின்னர் அதில் இருந்து குணமடைந்துள்ளது.

இதுபற்றி டாக்டர் கூறும்பொழுது, பிரசவத்திற்கு முன்பு தாய்க்கு கொரோனா பாதிப்பு எதுவும் இல்லை. பிரசவம் முடிந்து வீட்டிற்கு சென்ற பின்னர் அவருக்கு கொரோனா பாதிப்பு ஏற்பட்டுள்ளது.

பிறந்த குழந்தைக்கு 8 நாள் ஆன நிலையில் தொற்று பரவி பாதிப்பு ஏற்படுத்தி உள்ளது. எனினும், 15 நாட்கள் தொடர்ந்து சிகிச்சை அளித்ததில் குழந்தை கொரோனா பாதிப்புகளில் இருந்து விடுபட்டுள்ளது.

இதனால், குழந்தையை நாங்கள் வீட்டுக்கு அனுப்பி வைத்துள்ளோம் என தெரிவித்துள்ளார்.

பிறந்து 22 நாட்களே ஆன குழந்தைக்கு கொரோனா பாதிப்பு ஏற்பட்டு, 15 நாட்களில் எதிர்ப்பு சக்தி கிடைத்து கொரோனா பாதிப்பில் இருந்து குணமடைந்துள்ளது.

எனவே, புதிதாக பிறந்த குழந்தைக்கு ஆன்டிபாடி உடனடியாக உருவாகி, நோய் எதிர்ப்பு ஆற்றல் கிடைத்து தொற்றில் இருந்து விடுபட்டுள்ளது நிரூபணம் ஆகியுள்ளது.