என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
மம்தா பானர்ஜி மீதான தாக்குதல் எதிரொலி - நந்திகிராம் தொகுதி பாதுகாப்பு அதிகாரி இடைநீக்கம்
Byமாலை மலர்14 March 2021 8:38 PM GMT (Updated: 14 March 2021 8:38 PM GMT)
மேற்கு வங்காள மாநில சட்டசபை தேர்தல் 8 கட்டங்களாக நடைபெற உள்ளது. இங்கு ஆளும் திரிணாமுல் காங்கிரஸ் கட்சிக்கும், பா.ஜ.க.வுக்கும் கடும் போட்டி ஏற்பட்டுள்ளது.
கொல்கத்தா:
மேற்கு வங்காள சட்டசபை தேர்தலில் ஆளும் திரிணாமுல் காங்கிரஸ் தலைவரும், முதல்-மந்திரியுமான மம்தா பானர்ஜி நந்திகிராம் தொகுதியில் போட்டியிடுகிறார்.
கடந்த 10-ம் தேதி அந்த தொகுதியில் பிரசாரத்தில் ஈடுபட்டிருந்தபோது ஒரு கும்பல் அவரை தாக்கியதில் காயமடைந்தார். இதற்காக கொல்கத்தா ஆஸ்பத்திரியில் தங்கியிருந்து சிகிச்சை பெற்று வீடு திரும்பினார். இந்த சம்பவம் தொடர்பாக மாநில அரசிடம் அறிக்கை பெற்று தேர்தல் கமிஷன் விசாரணை நடத்தி வருகிறது.
இந்த விசாரணையின் ஒரு பகுதியாக நந்திகிராம் தொகுதியில் முதல்-மந்திரிக்கு பாதுகாப்பு அதிகாரியாக நியமிக்கப்பட்டிருந்த மூத்த போலீஸ் அதிகாரி விவேக் சகாயை தேர்தல் கமிஷன் நேற்று இடைநீக்கம் செய்து உத்தரவிட்டது.
மேலும், இசட் பிளஸ் பாதுகாப்பு இருக்கும் முதல்-மந்திரியின் பாதுகாப்பை உறுதி செய்வதில் தவறியதற்காக அவர்மீது ஒரு வாரத்துக்குள் வழக்குப்பதிவு செய்து நடவடிக்கை எடுக்கவும் தேர்தல் கமிஷன் உத்தரவிட்டுள்ளது.
முன்னதாக, நந்திகிராம் தொகுதி அடங்கியிருக்கும் புர்பா மேதினிபூர் மாவட்ட கலெக்டரை இடமாற்றம் செய்தும், போலீஸ் சூப்பிரண்டை இடைநீக்கம் செய்தும் தேர்தல் கமிஷன் உத்தரவிட்டிருந்தது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X