என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
மேற்கு வங்காளத்தை மேற்கு பங்களாதேஷாக மாற்ற சதி நடக்கிறது - பாஜக தலைவர் பேச்சு
Byமாலை மலர்27 Nov 2020 10:24 AM GMT (Updated: 27 Nov 2020 10:24 AM GMT)
மேற்கு வங்காளத்தை மேற்கு பங்களாதேஷாக மாற்ற சதி நடப்பதாக மாநில பாஜக தலைவர் திலீப் கோஷ் தெரிவித்துள்ளார்.
கொல்கத்தா:
294 தொகுதிகளை கொண்ட மேற்குவங்காள சட்டசபை தேர்தல் 2021-ம் ஆண்டு மே மாதம் நடைபெற உள்ளது. தேர்தலுக்கு இன்னும் 6 மாதங்கள் உள்ளபோதும் அரசியல் கட்சியினர் தற்போது முதலே பிரசார கூட்டங்களை நடத்தத்தொடங்கியுள்ளனர்.
அந்த சட்டசபை தேர்தலில் ஆளும் திரிணாமூல் காங்கிரஸ் கட்சிக்கும், பாரதீய ஜனதா கட்சிக்கும் இடையே நேரடி போட்டி ஏற்பட உள்ளது. காங்கிரஸ் மற்றும் கம்யூனிஸ்ட் கட்சிகளும் இந்த தேர்தலில் முக்கிய கட்சியாக இருக்கும் என கருதப்படுகிறது.
இந்த முறை மேற்குவங்காளத்தை கைப்பற்றிவிட வேண்டும் என்ற முனைப்புடன் பாஜகவும், ஆட்சியை தக்கவைத்துக்கொள்ள வேண்டும் என்ற நோக்கத்தோடு திரிணாமுல் காங்கிரசும் தற்போதில் இருந்தே தேர்தல் தொடர்பான பிரசார நிகழ்ச்சிகளில் ஈடுபடத்தொடங்கிவிட்டன.
இதற்கிடையில், தேர்தல் நெருங்கி வரும் சூழலில் திரிணாமுல் காங்கிரஸ் மற்றும் பாஜக இடையே கருத்துமோதல் அரங்கேறி வருகிறது. குறிப்பாக மேற்குவங்காள பாஜக தலைவர் திலீப் கோஷ் அவ்வப்போது சர்ச்சைக்குரிய வகையில் கருத்து தெரிவித்து வருகிறார்.
இந்நிலையில், மாநில பாஜக தலைவர் திலீப் கோஷ் இன்று பேசியதாவது:-
டெல்லியில் இருந்து எங்கள் தலைவர்கள்(பாஜக) வரும்போது மம்தா பானர்ஜி பயப்படுகிறார். குஜராத்தில் இருந்து பாபு வரும்போது வரவேற்கிறீர்கள். ஆனால், அதே குஜராத்தில் இருந்து மோடி மற்றும் அமித்ஷா வரும்போது பயப்படுவது ஏன்?
மேற்கு வங்காளத்தை மேற்கு பங்களாதேஷாக மாற்ற சதி நடக்கிறது. பயங்கரவாத குழுக்கள் இங்கு செயல்படுகின்றன. மேற்கு வங்காளத்தை முன்னேற்ற நாங்கள் விரும்புகிறோம்.
என்றார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X