என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பிரதமர் மோடியின் வெளிநாட்டு பயணம் இல்லாத ஆண்டாக மாறிய 2020
Byமாலை மலர்23 Nov 2020 2:41 PM GMT (Updated: 23 Nov 2020 2:44 PM GMT)
பிரதமர் நரேந்திரமோடி 2020-ம் ஆண்டு இதுவரை எந்த ஒரு வெளிநாட்டிற்கும் பயணம் மேற்கொள்ளவில்லை.
புதுடெல்லி:
இந்திய பிரதமராக நரேந்திரமோடி 2014-ம் ஆண்டு பதவியேற்றார். 2019-ம் ஆண்டு நடந்த பாராளுமன்ற தேர்தலிலும் வெற்றிபெற்றதையடுத்து நரேந்திரமோடி 2-வது முறையாக தொடர்ந்து பிரதமர் பதவி வகித்து வருகிறார்.
இதற்கிடையில், 2014-ம் ஆண்டு பிரதமராக பொறுப்பேற்றதில் இருந்து நரேந்திரமோடி பல்வேறு நாடுகளுக்கு அரசுமுறை பயணம் மேற்கொண்டுள்ளார். ஒவ்வொரு ஆண்டும் பல வெளிநாடுகளுக்கு அவர் பயணம் மேற்கொண்டுள்ளார்.
பிரதமர் அலுவலகத்தின் இணையதள பக்கத்தில் வெளியிடப்பட்டுள்ள தகவலின் படி பிரதமர் மோடி, 2014-ம் ஆண்டு முதல் இதுவரை 96 நாடுகளுக்கு பயணம் மேற்கொண்டுள்ளார்.
2014-ல் 8 நாடுகள், 2015-ல் 23 நாடுகள், 2016-ல் 17 நாடுகள், 2017-லில் 14 நாடுகள், 2018-ல் 20 நாடுகள், 2019-ல் 14 நாடுகளுக்கு பிரதமர் மோடி பயணம் மேற்கொண்டுள்ளார். இந்த பயணத்திற்காக 500 கோடி ரூபாய்க்கும் அதிகமாக செலவாகியுள்ளது.
இந்நிலையில் 2020-ஆம் ஆண்டு தொடக்கத்திலேயே இந்தியாவில் கொரோனா பரவல் தொடங்கியதால் அனைத்து நாடுகளுக்குமான விமானப் போக்குவரத்து தடை செய்யப்பட்டது.
அதன் காரணமாக பிரதமர் மோடி எந்த நாட்டிற்கும் பயணம் மேற்கொள்ளவில்லை. இதன் மூலம் 2020-ஆம் ஆண்டு பிரதமருக்கு வெளிநாடு பயணம் இல்லாத ஆண்டாக மாறியுள்ளது.
2020 -ஆம் ஆண்டு நவம்பர் 22 வரை பிரதமர் மோடி ஒரு சர்வதேச பயணத்தை கூட மேற்கொள்ளவில்லை என்பது குறிப்பிடத்தக்கது. கடைசியாக 2019-ம் ஆண்டு நவம்பர் மாதம் பிரதமர் மோடி பிரேசில் நாட்டிற்கு பயணம் மேற்கொண்டுள்ளார். அதன் பின் அவர் எந்த ஒரு வெளிநாட்டிற்கும் பயணம் மேற்கொள்ளவில்லை.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X