வாக்கு சாவடி ஒன்றில் வாக்காளர்களுக்கு ஒருவர் இடையூறு செய்வது போன்ற காட்சிகள் அடங்கிய வீடியோ சமூக வலைதளங்களில் வைரலாகி வருகிறது. மேலும் இந்த வீடியோ சமீபத்திய பீகார் தேர்தலின் போது எடுக்கப்பட்டதாக வைரல் பதிவுகளில் குறிப்பிடப்பட்டு உள்ளது.
வீடியோவில் வாக்கு சாவடியில் உள்ள நபர் ஒருவர் வாக்காளர்கள் வாக்கு பதிவு செய்யும் போது இடையூறு ஏற்படுத்தும் காட்சிகள் இடம்பெற்றுள்ளன. இப்படி தான் பாஜக பீகார் தேர்தலில் வெற்றி பெற்றது எனும் தலைப்பில் வைரலாகி வருகிறது.
வைரல் வீடியோவை ஆய்வு செய்ததில், அது 2019 நாடாளுமன்ற தேர்தலின் போது எடுக்கப்பட்டது என தெரியவந்துள்ளது. இது ஹரியானா மாநிலத்தில் எடுக்கப்பட்ட வீடியோ ஆகும். வீடியோவில் உள்ள பூத் அதிகாரி பின்னர் கைது செய்யப்பட்டார்.
உண்மையில் இந்த சம்பவம் 2019 நாடாளுமன்ற தேர்தலின் போது நடைபெற்றது ஆகும். அந்த வகையில் வைரல் வீடியோ பீகார் தேர்தலின் போது எடுக்கப்படவில்லை என உறுதியாகிவிட்டது.
போலி செய்திகளை பரப்பாதீர்கள். போலி செய்திகளால் பல்வேறு பாதிப்புகள் ஏற்படுகின்றன. சமயங்களில் போலி செய்தி பாதிப்பு காரணமாக உயிரிழப்புகளும் ஏற்பட்டு இருக்கின்றன.
