டேங்கர் லாரி கவிழ்ந்தது- சாலையில் கொட்டிய சோப்பு பவுடரை அள்ளிச் சென்ற பொதுமக்கள்

அசன்சால்:

மேற்கு வங்க மாநிலத்தில் சோப்பு தயாரிக்கப் பயன்படுத்தப்படும் மூலப்பொருட்களை ஏற்றி வந்த டேங்கர் லாரி இன்று காலை திடீரென சாலையில் கவிழ்ந்தது. ஹால்டியா பகுதியில் இருந்து ராஜஸ்தான் நோக்கி சென்ற அந்த டேங்கர் லாரி, அசன்சால் பகுதியில் சென்றபோது டிரைவரின் கட்டுப்பாட்டை இழந்து விபத்தில் சிக்கியது.

டேங்கர் கவிழ்ந்ததால் அதில் இருந்த சோப்பு மூலப்பொருட்கள் சாலையில் கொட்டின. இதனால் போக்குவரத்து பாதிக்கப்பட்டது. விபத்து பற்றி தகவல் அறிந்த போலீசார் மற்றும் மீட்புக் குழுவினர் சம்பவ இடத்திற்கு வந்து, சாலையில் கொட்டிய சோப்பு மூலப்பொருட்களை அகற்றினர். மேலும் சோப்பினால் வாகனங்கள் வழுக்கி விபத்தில் சிக்காமல் இருப்பதற்காக மணல் தூவப்பட்டது.

அப்பகுதியைச் சேர்ந்த பொதுமக்கள் வந்து சோப்பு மூலப்பொருளை பாத்திரங்களில் அள்ளிச் சென்றனர்.