கர்நாடகாவில் காங்கிரஸ் எம்.எல்.ஏ. கொரோனாவுக்கு பலி

பெங்களூரு:

கர்நாடகத்தில் பசவகல்யாண் தொகுதியில் இருந்து கர்நாடக சட்டசபைக்கு தேர்ந்தெடுக்கப்பட்டவர் பி.நாராயணராவ் (வயது 63). காங்கிரசை சேர்ந்த அவருக்கு கடந்த ஆகஸ்டு மாதம் 30-ந் தேதி உடல்நலக்குறைவு ஏற்பட்டது. இதையடுத்து அவர் மருத்துவமனைக்கு சென்று கொரோனா பரிசோதனை செய்து கொண்டார். இதில் அவருக்கு வைரஸ் தொற்று இருப்பது உறுதியானது. இதையடுத்து அவர் கடந்த 1-ந் தேதி பெங்களூருவில் உள்ள மணிப்பால் மருத்துவமனையில் சேர்ந்தார்.

அங்கு அவருக்கு டாக்டர்கள் சிகிச்சை அளித்து வந்தனர். இந்த நிலையில் சிகிச்சை பலனின்றி அவர் நேற்று மாலை 4 மணியளவில் மரணம் அடைந்தார்.

கர்நாடகத்தில் ஏற்கனவே எம்.பி.க்கள் அசோக் கஸ்தி, சுரேஷ் அங்கடி ஆகியோர் கொரோனாவுக்கு பலியாயினர். இந்த நிலையில் எம்.எல்.ஏ. ஒருவரும் கொரோனாவுக்கு பலியாகியுள்ளது குறிப்பிடத்தக்கது.