8 எம்.பி.க்கள் இடைநீக்கம் - மம்தா பானர்ஜி கண்டனம்

புதுடெல்லி:

பாராளுமன்ற மாநிலங்களவையில் அமளியில் ஈடுபட்டதாக எதிர்கட்சி எம்.பி.க்கள் 8 பேர் இடைநீக்கம் செய்யப்பட்டு இருப்பதற்கு திரிணாமுல் காங்கிரஸ் தலைவரும், மேற்கு வங்காள முதல்-மந்திரியுமான மம்தா பானர்ஜி கடும் கண்டனம் தெரிவித்து உள்ளார்.

இது தொடர்பாக அவர் வெளியிட்டுள்ள டுவிட்டர் பதிவில், “விவசாயிகளின் நலனை பாதுகாக்க போராடிய 8 எம்.பி.க்கள் இடைநீக்கம் செய்யப்பட்டு இருப்பது மிகவும் துரதிருஷ்டவசமானது. ஜனநாயக நெறிமுறைகளை மதிக்காமல் மத்திய அரசு சர்வாதிகார போக்குடன் நடந்து கொள்வதையே இது காட்டுகிறது. அச்சுறுத்தலுக்கு பணிந்து விடாமல் பாராளுமன்றத்திலும், வெளியேயும் மத்திய அரசுக்கு எதிராக நாங்கள் போராடுவோம்” என்று கூறி உள்ளார்.