என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஷின்சோ அபேக்கு உடல்நல பாதிப்பு என அறிந்ததும் வேதனை அடைந்தேன் - பிரதமர் மோடி
Byமாலை மலர்28 Aug 2020 7:38 PM GMT (Updated: 28 Aug 2020 7:38 PM GMT)
ஜப்பான் பிரதமர் ஷின்சோ அபேக்கு உடல்நல பாதிப்பு என அறிந்ததும் வேதனை அடைந்தேன் என்று பிரதமர் மோடி கூறியுள்ளார்.
புதுடெல்லி:
ஜப்பான் நாட்டில் நீண்ட காலம் பிரதமராக இருந்த பெருமையை பெற்றவர் ஷின்சோ அபே. சமீப காலங்களாக அவரது உடல்நிலை குறித்து ஊகங்கள் வெளிவந்தன. கடந்த கோடை காலத்தில் அவரது உடல்நிலையில் பாதிப்பு தெரிய தொடங்கியது. எனினும், இந்த மாதம் அவரது உடல்நிலை தீவிர மோசமடைந்தது. ஒரு குறிப்பிடப்படாத ஆரோக்கிய பாதிப்புக்காக மருத்துவ பரிசோதனைகளுக்காக, மருத்துவமனைக்குச் சென்றுள்ளார். பின்னர் சமீபத்திய நாட்களில் காய்ச்சல் அதிகரித்து உள்ளது என கூறப்படுகிறது.
ஷின்சோ உடல் நலப்பிரச்சினைகள் தொடர்பாக தனது ராஜினாமாவை வெள்ளிக்கிழமை செய்தியாளர் சந்திப்பில் அறிவிக்க உள்ளதாக உள்ளூர் ஊடகங்கள் தெரிவித்திஇருந்தன. தனது நோய் மோசமடைந்து உள்ளதால் நாட்டை வழிநடத்துவதில் அது சிக்கலை ஏற்படுத்தும் என்று அவர் கவலைப்படுகிறார். அதனால் ராஜினாமா செய்ய விரும்புகிறார் என உள்ளூர் ஊடகம் தெரிவித்திருந்தது.
இதற்கிடையே, ஜப்பான் பிரதமர் ஷின்சோ அபே தனது பதவியை ராஜினாமா செய்துள்ளார் என தகவல் வெளியானது. அவரது பதவிக் காலம் வரும் 2021-ம் ஆண்டு செப்டம்பர் உடன் முடிவடைகிறது. அதனால், புதிய தலைவரை தேர்ந்தெடுத்து அதற்கு பாராளுமன்ற ஒப்புதல் பெறும் வரை அவர் பதவியில் நீடிக்கக் கூடும் என கூறப்படுகிறது.
இந்நிலையில், ஜப்பான் பிரதமர் ஷின்சோ அபேக்கு உடல்நல பாதிப்பு என அறிந்ததும் வேதனை அடைந்தேன் என்று பிரதமர் மோடி கூறியுள்ளார்.
இதுதொடர்பாக, பிரதமர் மோடி வெளியிட்டுள்ள செய்தியில், எனது அன்பு நண்பனே, உனக்கு உடல்நலம் பாதிப்பு என கேள்விப்பட்டதும் நான் வேதனை அடைந்தேன். சமீப காலங்களில், உம்முடைய அறிவார்ந்த தலைமைத்துவம் மற்றும் தனிப்பட்ட ஈடுபாடு ஆகியவற்றால் இந்தியா மற்றும் ஜப்பான் ஆகிய இரு நாடுகளின் நட்புறவு முன்பிருந்ததற்கும் மேலாக ஆழ்ந்த மற்றும் வலிமை உடைய ஒன்றாக மாறியது.
நீங்கள் விரைவில் நலமடைந்து திரும்ப வேண்டும் என விரும்புகிறேன். அதற்காக இறைவனிடம் வேண்டிக் கொள்கிறேன் என தெரிவித்துள்ளார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X