என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கேரளா விமான விபத்து: விமான போக்குவரத்து அமைச்சகம் அவசர ஆலோசனை
Byமாலை மலர்7 Aug 2020 6:15 PM GMT (Updated: 7 Aug 2020 6:15 PM GMT)
கேரள விமான விபத்து தொடர்பாக விமான போக்குவரத்து அமைச்சக அதிகாரிகள் டெல்லியில் அவசர ஆலோசனை நடத்தி வருகின்றனர்.
திருவனந்தபுரம்:
வந்தேபாரத் திட்டத்தின் கீழ் துபாயில் இருந்து கேரள மாநிலம் கோழிக்கோடு கரிப்பூர் விமான நிலையத்திற்கு ஏர் இந்தியாவின் ஐ.எக்ஸ்.-1344 விமானம் இன்று வந்தது. விமானத்தில் 10 குழந்தைகள், 2 விமானிகள், ஐந்து பணிப்பெண்கள் உள்பட மொத்தம் 191 பேர் இருந்தனர்.
விமானத்தை தரையிறக்க முற்பட்டபோது அந்த விமானம் ஓடுதளத்தில் இருந்து சறுக்கிக்கொண்டு விமானநிலைய ஓடுதளத்திற்கு அருகில் இருந்த பள்ளத்தாக்கில் கவிழ்ந்து விழுந்தது.
இதில் விமானம் இரண்டு துண்டாக உடைந்தது. இந்த விபத்தில் விமானி, துணை விமானி உள்பட இதுவரை 15 பேர் உயிரிழந்துள்ளனர். பலர் படுகாயமடைந்து சிகிச்சை பெற்று வருகின்றனர்.
இந்நிலையில், கேரள விமான விபத்து தொடர்பாக சிவில் விமான போக்குவரத்துத்துறை அமைச்சக அதிகாரிகள் டெல்லியில் உள்ள தலைமையகத்தில் அவசர ஆலோசனை நடத்தி வருகின்றனர்.
சிவில் விமான போக்குவரத்து இயக்குனரகத்தின் (டிஜிசிஏ) பொது இயக்குனர், விமான போக்குவரத்துத்துறை அமைச்சக அதிகாரிகள், இந்திய விமானை நிலைய அதிகாரிகள் மற்றும் ஏர் இந்தியா விமான அதிகாரிகள் இந்த அவசர ஆலோசனை கூட்டத்தில் பங்கேற்றுள்ளனர்.
இதற்கிடையில், இந்த விமான விபத்து தொடர்பாக உயர்மட்ட விசாரணை நடத்த உத்தரவு பிறப்பிக்கப்பட்டுள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X