என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
உ.பி.யில் கொரோனா பரிசோதனைகளை அதிகரிக்க வேண்டும்- யோகி ஆதித்யநாத்திடம் அமித் ஷா வலியுறுத்தல்
Byமாலை மலர்3 July 2020 4:02 AM GMT (Updated: 3 July 2020 4:02 AM GMT)
உத்தர பிரதேச மாநிலத்தில் கொரோனா பரிசோதனைகளை அதிகரிக்கும்படி முதல்வர் யோகி ஆதித்யநாத்திடம் உள்துறை மந்திரி அமித் ஷா கூறி உள்ளார்.
புதுடெல்லி:
டெல்லி மற்றும் அதனை சுற்றி உள்ள அரியானா, உத்தர பிரதேச பகுதிகளை உள்ளடக்கிய தேசிய தலைநகர பிராந்தியத்தில் கொரோனா பரவல் மற்றும் தடுப்பு நடவடிக்கைகள் தொடர்பாக மத்திய உள்துறை மந்திரி அமித் ஷா ஆலோசனை நடத்தினார். அப்போது அதிக பரிசோதனைகளை செய்து, பாதிக்கப்பட்டவர்களை முன்கூட்டியே மருத்துவமனைகளில் சேர்த்து உயிரிழப்பு விகிதங்களை குறைக்க வேண்டும் என வலியுறுத்தினார்.
குறிப்பாக, உ.பி.யில் குறைந்த அளவில் பரிசோதனை செய்யப்படுவது குறித்து பலரும் கேள்வி எழுப்புவதால், முதல்வர் யோகி ஆதித்யநாத்திடம் பரிசோதனைகளை அதிகரிக்கும்படி அமித் ஷா கூறியுள்ளார்.
இந்த மூன்று மாநிலங்களில் உத்தர பிரதேசத்தில்தான் குறைந்த அளவிலான பரிசோதனைகள் நடத்தப்படுகின்றன. கவுதம் புத்தா நகர் மாவட்டத்தில் 10 லட்சம் பேரில் 72 பேருக்கும், காசியாபாத்தில் 78 பேருக்கு மட்டும் ஏன் பரிசோதனை நடத்தப்படுகிறது? என இக்கூட்டத்தில் கேள்வி எழுப்பப்பட்டது. டெல்லியில் 10 லட்சம் பேரில் 679 பேருக்கும், குர்கானில் 482 பேருக்கும் பரிசோதனை நடத்தப்படுகிறது.
ரிக்சா ஓட்டுநர்கள், காய்கறி வியாபாரிகள் என அதிகம் பாதிக்கக்கூடிய வாய்ப்பு உள்ள நபர்களுக்கு பரிசோதனையை விரைவுபடுத்தும்படி ஏற்கெனவே அறிவுறுத்தியிருப்பதாக யோகி ஆதித்யநாத் தெரிவித்தார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X