கேரளாவில் மேலும் 58 பேருக்கு கொரோனா பாதிப்பு

திருவனந்தபுரம்:

கேரள மாநிலத்தில் புதிதாக மேலும் 58 பேருக்கு கொரோனா பாதிப்பு உறுதி செய்யப்பட்டுள்ளதாக அம்மாநில முதல்-மந்திரி பினராயி விஜயன் தெரிவித்தார்.

கேரள மாநிலத்தில் கொரோனா தொற்றால் புதிதாக பாதிப்புக்குள்ளானோர் பற்றிய சமீபத்திய அறிவிப்புகளை முதல்-மந்திரி பினராயி விஜயன் முகநூல் பக்கத்தில் வெளியிட்டுள்ளார்.
இதன்படி, இன்று (சனிக்கிழமை) புதிதாக 58 பேருக்கு கொரோனா தொற்று இருப்பது கண்டறியப்பட்டுள்ளதாகவும், தொடர்ந்து அங்கு சிகிச்சை பெறுவோரின் எண்ணிக்கை 624 ஆக உயர்ந்துள்ளதாவும் தெரிவித்துள்ளார்.   

மேலும் புதிதாக 58 பேருக்கு நோய் தொற்று ஏற்பட்டுள்ள நிலையில்,  17 பேர் வெளிநாட்டிலிருந்து திரும்பி வந்தவர்கள், 31 பேர் பிற மாநிலங்களிலிருந்து வந்தவர்கள், 10 பேர் உள்ளூர் மக்கள் என தெரிவிக்கப்பட்டுள்ளது

தற்போது கேரளத்தில் 575 பேர் கொரோனா  தொற்றிலிருந்து குணமடைந்துள்ளதாக முதல்-மந்திரி பினராயி விஜயன் தெரிவித்துள்ளார்.