கொரோனாவை கட்டுப்படுத்த சரியான தகவலும், சிகிச்சையும் முக்கியம்: பிரியங்கா காந்தி

புதுடெல்லி :

உத்தரபிரதேச மாநிலம் ஆக்ராவில் கொரோனா பாதிப்பு அதிகரித்து வருவதால், ‘ஆக்ராவை காப்பாற்றுங்கள்’ என்று அந்நகர மேயர் நவீன் ஜெயின், முதல்-மந்திரி யோகி ஆதித்யநாத்துக்கு கடிதம் எழுதி இருந்தார்.

அதுகுறித்து காங்கிரஸ் பொதுச்செயலாளர் பிரியங்கா எழுதிய ‘டுவிட்டர்’ பதிவு வருமாறு:-

நானும் இந்த பிரச்சினையை ஏற்கனவே எழுப்பினேன். வெளிப்படைத்தன்மை மிக முக்கியம். பரிசோதனையில் அக்கறை செலுத்த வேண்டும். கொரோனாவை கட்டுப்படுத்த வேண்டுமானால் சரியான தகவலிலும், சரியான சிகிச்சையிலும் கவனம் செலுத்த வேண்டும்.

இவ்வாறு அவர் கூறியுள்ளார்.