என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
வட்டி குறைப்புக்கு பிறகும் பங்குச்சந்தையில் எழுச்சி இல்லை- சென்செக்ஸ் 131 புள்ளிகள் சரிவு
Byமாலை மலர்27 March 2020 10:59 AM GMT (Updated: 27 March 2020 1:40 PM GMT)
ரிசர்வ் வங்கியின் வட்டி விகித குறைப்பு இந்திய பங்குச்சந்தைகளில் பெரிய தாக்கத்தை ஏற்படுத்தவில்லை. சென்செக்ஸ் 131 புள்ளிகள் சரிவுடன் வர்த்தகம் நிறைவடைந்தது.
மும்பை:
கொரோனா வைரஸ் பரவாமல் தடுக்கும் நடவடிக்கையாக, நாடு முழுவதும் ஊரடங்கு உத்தரவு அமல்படுத்தப்பட்டுள்ளது. ஊரடங்கு உத்தரவால் தொழில்துறை முடங்கி உள்ளது. பல்வேறு தொழில் நிறுவனங்கள் கடுமையான பொருளாதார இழப்பை சந்தித்துள்ளன. இதனால், மத்திய மாநில அரசுகள் பல்வேறு நிதி சலுகைகளை அளித்து வருகின்றன. இதன் காரணமாக நேற்று இந்திய பங்குச்சந்தைகள் உயர்வடைந்தன.
இந்நிலையில் வட்டி குறைப்பு தொடர்பான அறிவிப்பை ரிசர்வ் வங்கி ஆளுநர் வெளியிடலாம் என்ற அறிவிப்பு முதலீட்டாளர்களிடையே நம்பிக்கையை ஏற்படுத்தியது. இதனால் இந்திய பங்குச்சந்தைகள் இன்று காலை வர்த்தகத்தில் ஏற்றம் பெற்றன. முன்னணி நிறுவனங்களின் பங்குகள் கணிசமாக உயர்ந்தன. மும்பை பங்குச்சந்தையில் குறியீட்டெண் சென்செக்ஸ் 1100 புள்ளிகள் உயர்ந்தது. தேசிய பங்குச்சந்தை குறியீட்டெண் நிப்டி 9000 புள்ளிகளை தாண்டியது.
ரிசர்வ் வங்கி ஆளுநர் வட்டி குறைப்பு மற்றும் கடன் தவணை அவகாசம் தொடர்பான அறிவிப்பை வெளியிட்ட பின்னர் பங்குச்சந்தைகளில் வர்த்தகம் சூடுபிடிக்கும் என எதிர்பார்க்கப்பட்டது. ஆனால், அதற்கு மாறாக நிலையற்ற வர்த்தகம் காணப்பட்டது. பிற்பகலுக்கு பிறகு வர்த்தகம் சரிவடைந்தது.
வர்த்தகத்தின் முடிவில் சென்செக்ஸ் 131.18 புள்ளிகள் சரிந்து 29815.59 புள்ளிகளில் நிலைபெற்றது. தேசிய பங்குச்சந்தையில் நிப்டி 18.80 புள்ளிகள் சரிந்து 8660.25 புள்ளிகளில் வர்த்தகம் நிலைபெற்றது.
மும்பை பங்குச்சந்தையில் பங்குகள் சரிவடைந்த நிறுவனங்களில் பஜாஜ் பைனான்ஸ் நிறுவனம் முதலிடத்தில் உள்ளது. அந்த நிறுவன பங்குகள் சுமார் 9 சதவீதம் சரிந்தன. இதேபோல் ஹீரோ மோட்டோகார்ப், இந்தஸ்இந்த் வங்கி, பார்தி ஏர்டெல், மாருதி, எச்.சி.எல். டெக்னாலஜி, எச்.யு.எல். டாடா ஸ்டீல், அல்ட்ரா சிமென்ட் மற்றும் பஜாஜ் ஆட்டோ உள்ளிட்ட நிறுவனங்களின் பங்குகளும் சரிந்தன.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X