search icon
என் மலர்tooltip icon

    செய்திகள்

    சோனியா காந்தியுடன் உத்தவ் தாக்கரே சந்திப்பு
    X
    சோனியா காந்தியுடன் உத்தவ் தாக்கரே சந்திப்பு

    டெல்லி - சோனியா காந்தியுடன் உத்தவ் தாக்கரே சந்திப்பு

    தலைநகர் டெல்லியில் காங்கிரஸ் இடைக்கால தலைவர் சோனியா காந்தியை மகாராஷ்டிரா முதல் மந்திரி உத்தவ் தாக்கரே இன்று சந்தித்தார்.
    புதுடெல்லி:

    மகாராஷ்டிராவில் நடந்த சட்டசபை தேர்தலில் பா.ஜ.க., சிவசேனா கூட்டணி அமோக வெற்றி பெற்றது. ஆட்சி அமைப்பதில் இழுபறி நீடித்ததால் கூட்டணி முறிந்தது.

    இதைத்தொடர்ந்து, தேசியவாத காங்கிரஸ், காங்கிரஸ் கட்சிகளுடன் கைகோர்த்த சிவசேனா புதிய கூட்டணியை உருவாக்கி மகாராஷ்டிராவில் ஆட்சி அமைத்தது. சிவசேனா தலைவர் உத்தவ் தாக்கரே முதல் மந்திரியாக பதவி ஏற்றார்.

    இதற்கிடையே, மகாராஷ்டிரா முதல் மந்திரி உத்தவ் தாக்கரே முதல் முறையாக இன்று டெல்லி சென்று பிரதமர் மோடியை சந்தித்தார். அப்போது, உத்தவ் தாக்கரே மகன் ஆதித்யா தாக்கரேவும் உடனிருந்தார்.

    இந்நிலையில், டெல்லியில் உள்ள காங்கிரஸ் இடைக்கால தலைவர் சோனியா காந்தியை முதல் மந்திரி உத்தவ் தாக்கரே, அவரது மகன் ஆதித்யா தாக்கரே ஆகியோர் இன்று இரவு சந்தித்தனர்.

    பா.ஜ.க. மூத்த தலைவர் எல்.கே.அத்வானியையும் உத்தவ் தாக்கரே, ஆதித்ய தாக்கரே ஆகியோ சந்தித்து வாழ்த்து பெற்றனர். அப்போது சிவசேனா கட்சியின் மூத்த தலைவர் சஞ்சய் ராவத்தும் உடனிருந்தார்.
    Next Story
    ×