பி.வி.சிந்து, மனோகர் பாரிக்கர் உள்பட 16 பேருக்கு பத்மபூஷன் விருது அறிவிப்பு

புதுடெல்லி:

கலை,கல்வி,தொழில்,இலக்கியம்,அறிவியல்,விளையாட்டு,சமூக சேவை என பல்வேறு துறைகளில் சிறப்பாக பங்களித்த நபர்களை சிறப்பிக்கும் விதமாக மத்திய அரசு ஆண்டுதோறும் பத்மபூஷன் விருது வழங்கி வருகிறது.

இந்நிலையில், 2020-ம் ஆண்டுக்கான பத்மபூஷன் விருது இன்று அறிவிக்கப்பட்டது. அதில் பேட்மிண்டன் வீராங்கனை பி.வி.சிந்து, தமிழகத்தை சேர்ந்த தொழில் அதிபர் டிவிஎஸ் வேணு சீனிவாசன் , சமூக சேவகரான திருமதி.கிருஷ்ணம்மாள் ஜெகன்நாதன், மறைந்த கோவா முதல் மந்திரியும் முன்னாள் பாதுகாப்புத்துறை மந்திரியுமான மனோகர் பாரிக்கர் உள்ளிட்ட 16 பேருக்கு பத்மபூஷன் விருது அறிவிக்கப்பட்டுள்ளது.