என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
டெல்லியில் உறைய வைக்கும் கடுங்குளிர்- வெப்பநிலை 2.4 டிகிரி செல்சியசுக்கு குறைந்தது
Byமாலை மலர்28 Dec 2019 3:15 AM GMT (Updated: 28 Dec 2019 3:15 AM GMT)
டெல்லியில் நிலவும் கடுமையான குளிரால் பொதுமக்களின் இயல்பு வாழ்க்கை பாதிக்கப்பட்டுள்ளது. இந்த சீசனில் இதுவரை இல்லாத அளவிற்கு 2.4 டிகிரி செல்சியசுக்கு வெப்ப நிலை சென்றது.
புதுடெல்லி:
டெல்லியில், நவம்பர் மாதம் முதல் பிப்ரவரி மாதம் வரையிலான பனிக்காலத்தில் கடும் குளிர் மக்களை நடுங்கவைத்து விடும். இந்த ஆண்டும் வரலாறு காணாத பனிப்பொழிவு உள்ளது. கடந்த சில வாரங்களாக குளிர் கடுமையாக வாட்டி வதைக்கிறது. பல்வேறு இடங்களில் பனி மூட்டமாகவே காட்சி அளிக்கிறது. இதனால் மக்களின் இயல்பு வாழ்க்கை கடுமையாக பாதிக்கப்பட்டுள்ளது. குறிப்பாக காலையில் நீண்ட நேரமாகியும் மக்கள் வெளியே வர முடியாத சூழ்நிலை ஏற்பட்டுள்ளது.
கடந்த 100 ஆண்டுகளில் இல்லாத அளவுக்கு டெல்லியில் தட்பவெப்பநிலை மிகவும் குறைந்துள்ளதாக தகவல் தெரிவிக்கப்பட்டு உள்ளது.
டிசம்பர் மாதத்தில் டெல்லியில் அதிகபட்ச வெப்பநிலை 19.5 டிகிரியாக உள்ளது. 1901-ம் ஆண்டு அதிகபட்ச வெப்பநிலையாக 17.3 என பதிவாகி இருந்தது. நேற்று 4.2 டிகிரி செல்சியஸ் அளவுக்கு குறைந்தது. அதிகபட்ச வெப்பநிலை 13.4 டிகிரியாக இருந்தது. இந்த கடுமையான குளிரால் மக்கள் பெரிதும் அவதிக்குள்ளானார்கள்.
இந்நிலையில், இன்று அதைவிட கடுமையான குளிர் வாட்டியது. காலை 6.10 மணி நிலவரப்படி 2.4 டிகிரி செல்சியசாக வெப்பநிலை குறைந்தது. இதுவே இந்த சீசனில் மிக குறைந்த வெப்பநிலை ஆகும். இன்று பார்வை தூரமும் மிகவும் குறைந்தது. 150 மீட்டர் தொலைவில் உள்ள பொருட்களை பார்க்க முடியாத அளவிற்கு பனிமூட்டம் காணப்பட்டது.
இன்னும் ஓரிரு தினங்களுக்கு இதே நிலை நீடிக்கும் என்றும், ஜனவரி 1-ந் தேதிக்கு பிறகு வெப்பநிலை படிப்படியாக அதிகரிக்கும் என்றும் வானிலை ஆய்வு மையம் தெரிவித்துள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X