பிறந்தநாளையொட்டி அப்துல் கலாமுக்கு பிரதமர் மோடி புகழஞ்சலி

புதுடெல்லி:

மறைந்த முன்னாள் ஜனாதிபதி அப்துல் கலாம் பிறந்தநாள் நேற்று கொண்டாடப்பட்டது. இதையொட்டி, அவருக்கு பிரதமர் மோடி தனது ‘டுவிட்டர்’ பக்கத்தில் புகழஞ்சலி செலுத்தி உள்ளார்.

அதில் அவர் கூறியிருப்பதாவது:-

21-ம் நூற்றாண்டில், வலிமையான, நவீன இந்தியாவை காண அப்துல் கலாம் கனவு கண்டார். அதை நனவாக்க தனது வாழ்நாள் முழுவதும் பாடுபட்டார். அவரது வாழ்க்கை ஒவ்வொரு இந்தியருக்கும் உந்துசக்தியாக திகழும். அவரது பிறந்தநாளில் இந்தியா அவருக்கு வணக்கம் செலுத்துகிறது.

இவ்வாறு அவர் கூறியுள்ளார்.