டெல்லி, பஞ்சாப், ராஜஸ்தானில் லேசான நில அதிர்வு

புதுடெல்லி:

பாகிஸ்தானின் லாகூருக்கு வடமேற்கே 173 கி.மீ. தூரத்தில் 6.3 ரிக்டர் அளவிலான நிலநடுக்கம் ஏற்பட்டு உள்ளது என நிலநடுக்க மையம் இன்று தெரிவித்துள்ளது. அந்த தாக்கம் டெல்லியில்  உணரப்பட்டு உள்ளது.

சில நொடிகள் நீடித்த இந்த நடுக்கம் மாலை 4:35 மணியளவில் உணரப்பட்டதாக டெல்லியில் பலர் தெரிவித்தனர். டெல்லியில் நாடாளுமன்றம், பிரஸ் கிளப் உள்ளிட்ட இடங்களிலும் நில அதிர்வு உணரப்பட்டு உள்ளது.

பாகிஸ்தானில் ஏற்பட்ட நிலநடுக்கம் காரணமாக இந்தியாவின் பஞ்சாப், ராஜஸ்தான், டெல்லி மற்றும் டெல்லி புறநகர் பகுதிகளில் லேசான நில அதிர்வு உருவானது. மக்கள் அச்சத்தில் வீடுகளை விட்டு வெளியேறியதால் பரபரப்பு ஏற்பட்டது.