மக்களை அச்சுறுத்தும் போஸ்டர்கள்- ஜம்மு காஷ்மீரில் பயங்கரவாதிகளுக்கு உதவிய 8 பேர் கைது

சோப்பூர்:

ஜம்மு காஷ்மீர் மாநிலத்தில் அமைதியை சீர்குலைப்பதற்காக ஊடுருவியிருக்கும் பயங்கரவாதிகளை கண்டறிந்து அவர்களை களையெடுக்கும் பணியில் ராணுவம் தீவிர நடவடிக்கை மேற்கொண்டுள்ளது. அதேபோல் பயங்கரவாத செயல்களுக்கு உதவி செய்வோரையும் உன்னிப்பாக கண்காணித்து வருகிறது.

இந்நிலையில், ஜம்மு காஷ்மீரின் சோப்பூர் பகுதியில் பொதுமக்களுக்கு அச்சுறுத்தல் ஏற்படும் வகையில் செயல்பட்ட 8 பேரை போலீசார் நேற்று கைது செய்தனர். பயங்கரவாதிகளுக்கு ஆதரவாக பொதுமக்களை அச்சுறுத்தும் வகையில் போஸ்டர்களை விநியோகிக்க முயன்றதாக குற்றம்சாட்டப்பட்டுள்ளது. போஸ்டர் அச்சடிக்க பயன்படுத்திய கம்ப்யூட்டர்கள் மற்றும் பிற சாதனங்கள் கண்டறியப்பட்டுள்ளன.