என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
காஷ்மீர் விவகாரம் - வைரல் வீடியோ உண்மையா?
Byமாலை மலர்9 Aug 2019 6:49 AM GMT (Updated: 9 Aug 2019 6:49 AM GMT)
காஷ்மீரில் சிறப்பு அந்தஸ்த்து ரத்து செய்யப்பட்ட விவகாரம் தொடர்பாக பதற்ற சூழ்நிலை ஏற்பட்டுள்ள நிலையில், வைரல் வீடியோ வீண் பதற்றத்தை ஏற்படுத்தி வருகிறது.
ஜம்மு-காஷ்மீர் சிறப்பு அந்தஸ்து ரத்து செய்யப்பட்டதை தொடர்ந்து அங்கு கடும் போராட்டங்கள் வெடித்திருப்பதாக சமூக வலைத்தளங்களில் வைரலாகியுள்ளது. அவ்வாறு பெண்கள் கூட்டம் ஒன்று கடும் போராட்டத்தில் ஈடுபட்டிருக்கும் வீடியோ வேகமாக பரவி வருகிறது.
அந்த வீடியோக்களின் தலைப்பில், ஆயிரக்கணக்கான காஷ்மீரிக்கள் தங்களது நிலத்தை பாதுகாத்துக் கொள்ள வீதிகளில் கடும் போராட்டத்தில் ஈடுபட்டுள்ளனர் என குறிப்பிடப்பட்டிருக்கிறது. இதனை பலர் தங்களது ஃபேஸ்புக்கில் பகிர்ந்து வருகின்றனர்.
வீடியோ ஸ்கிரீன்ஷாட்களை ரிவர்ஸ் சர்ச் செய்ததில் இதே வீடியோ ட்விட்டர் மற்றும் யூடியூப் தளங்களில் இந்த ஆண்டு மார்ச் மாதத்தில் பதிவேற்றம் செய்யப்பட்டிருப்பது தெரியவந்துள்ளது. உண்மையில் இந்த வீடியோ கடந்த ஆண்டு டிசம்பர் 12 ஆம் ஆண்டு முதன் முதலில் பதிவேற்றம் செய்யப்பட்டிருக்கிறது.
39 நொடிகள் ஓடும் வீடியோவில் பெண்கள் போராட்டம் நடத்தும் பகுதி பாரமுல்லா சென்ட்ரல் கோ ஆப்பரேட்டிவ் வங்கி அமைந்துள்ள ஹஜின் பகுதி என தெரிகிறது. அந்த வகையில் இந்த கூட்டத்திற்கும் தற்போதைய சட்டப்பிரிவு சார்ந்த விவகாரத்திற்கும் எந்த தொடர்பும் இல்லை என்பது உறுதியாகியிருக்கிறது.
போலி செய்திகளை பரப்பாதீர்கள். சமூக வலைத்தளங்களில் பரவும் போலி தகவல்களால் பலர் பாதிக்கப்படுகின்றனர். போலி செய்திகளால் உயிரிழப்புகளும் ஏற்பட்டிருக்கின்றன. சமூக வலைத்தளங்களில் வரும் தகவல்களை நன்கு ஆய்வு செய்து, அது உண்மையாக இருக்கும் பட்சத்தில் மட்டும் அதனை மற்றவர்களுடன் பகிர வேண்டும்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X