அடுத்த மாதம் ஜி20 மாநாடு- பிரதமர் மோடி அர்ஜென்டினா பயணம்

புதுடெல்லி:

பிரதமர் மோடி அடுத்த மாதம் அர்ஜென்டினா நாட்டுக்கு சுற்றுப்பயணம் செல்கிறார்.

அங்கு ‘ஜி 20’ நாடுகள் மாநாடு நடக்கிறது. இதில் பிரதமர் மோடி மற்றும் ‘ஜி 20’ நாட்டு தலைவர்கள் உரை நிகழ்த்துகிறார்கள்.

இந்த பயணத்தின் போது சீன ஜனாதிபதி ஸிஜிங்பிங்கை பிரதமர் மோடி தனியாக சந்தித்துப் பேசுகிறார்.

அப்போது ஆப்கானிஸ்தான் தூதரக அதிகாரிகளுக்கு இந்தியாவும் சீனாவும் இணைந்து அளிக்கும் பயிற்சி முகாமை தொடங்கி வைப்பது பற்றி பேச்சு நடத்துகிறார்கள். அர்ஜென்டினாவில் பிரதமர் மோடி சீன அதிபரை சந்தித்து பேச இருக்கும் தகவலை டெல்லியில் சீன தூதர் அதிகாரப்பூர்வமாக வெளியிட்டார். #PMModi #G20Conference