புதுடெல்லி:
மத்திய பிரதேசம் மாநிலத்தில் அமைக்கப்பட்டுள்ள சாலைகள் அமெரிக்கா சாலைகளை விட தரமானவையாக உள்ளன என மத்திய மந்திரி உமாபாரதி தெரிவித்துள்ளார்.
மத்திய் பிரதேச முதல் மந்திரி சிவராஜ் சிங் சவுகான் சமீபத்தில் வாஷிங்டனுக்கு சுற்றுப்பயணம் செய்திருந்தார். அப்போது வாஷிங்டன் விமான நிலையத்தி இறங்கிய அவர், அங்குள்ள சாலைகள் வழியாக பயணம் செய்தார். அப்போது அவர் கூறுகையில், இங்குள்ள சாலைகளில் செல்வது மத்திய பிரதேச சாலைகளில் செல்வதை ஞாபகப்படுத்துகிறது என கூறினார்.
சிவராஜ் சிங் சவுகானின் பேச்சுக்கு காங். தலைவர் ஜோதிராதித்யா சிந்தியா பதிலளிக்கையில், கண்களை திறந்து உண்மையை உணருங்கள் என குறிப்பிட்டிருந்தார்.
இந்நிலையில், மத்திய பிரதேசம் மாநிலத்தின் முன்னாள் முதல் மந்திரியும், மத்திய மந்திரியுமான உமாபாராதி, முதல் மந்திரி சிவராஜ் சிங் சவுகான் கூறியது உண்மை தான் என தெரிவித்துள்ளார்.
இதுதொடர்பாக புதுடெல்லியில் மத்திய மந்திரி உமாபாரதி செய்தியாளர்களிடம் கூறுகையில், சிவராஜ் சிங் கூறியது சரிதான். மத்திய பிரதேசம் மாநிலத்தில் அமைக்கப்பட்டுள்ள பல சாலைகள் அமெரிக்க சாலைகளை விட தரமானவை என தெரிவித்துள்ளார்.
