குறைந்த வட்டி விகிதங்கள் சர்வதேச சந்தையை சீர்குலைக்கும்: ரகுராம் ராஜன் எச்சரிக்கை

புதுடெல்லி:

இந்திய ரிசர்வ் வங்கியின் கவர்னர் ரகுராம் ராஜனின் பதவிக்காலம் நேற்று முன் தினம் (செப்டம்பர் 4-ந்தேதி) முடிவடைந்ததை அடுத்து ரிசர்வ் வங்கியின் துணை ஆளுநர்களில் ஒருவரான உர்ஜித் பட்டேல், ரிசர்வ் வங்கியின் புதிய கவர்னராக பொறுப்பேற்றுக் கொண்டார்.

இந்நிலையில், குறைந்த வட்டி விகிதங்கள் சர்வதேச சந்தையை சீர்குலைக்கும் என்று ரிசர்வ் வங்கியின் முன்னாள் ஆளுநர் ரகுராம் ராஜன் எச்சரிக்கை விடுத்துள்ளார்.

தனியார் பத்திரிக்கைக்கு பேட்டி அளித்த போது, “ இத்தகைய பொருளாதார சீர்குலைவை சமாளிப்பது மிகவும் கடினமாக இருக்கும். வளர்ச்சியை ஊக்குவிப்பதற்கு பல்வேறு விதமான சீர்திருத்தங்கள் தேவைப்படுகிறது” என்றும் அவர் திட்டவட்டமாக கூறியுள்ளார்.

2008-ம் ஆண்டு உலக அளவில் நிகழ்ந்த பொருளாதார நெருக்கடியை அதற்கு 3 ஆண்டுகளுக்கு முன்பாகவே ஊகித்து சொன்னவர் என்பது குறிப்பிடத்தக்கது.