லக்னோ:
உத்தர பிரேதசத்தில் கொலை, கொள்ளை மற்றும் கற்பழிப்பு போன்ற சம்பவங்கள் அதிகரித்து வருகின்றன. காம கொடூரர்கள் இளம் பெண்கள் மற்றும் சிறுமிகளை கடத்தி கற்பழித்து வருகின்றனர். அதை வீடியோ எடுத்து அந்த பெண்களை மிரட்டியும் வருகின்றனர்.
இந்த நிலையில், உத்தரப் பிரேதசம் முழுவதும் சிறுமிகள் மற்றும் இளம் பெண்களின் கற்பழிப்பு வீடியோக்களை விற்பனை செய்யத் தொடங்கி உள்ளனர். தினமும் நூற்றுக்கணக்கான வீடியோக்கள் விற்பனையாகின்றன. 1000 வீடியோக்கள் வரை விற்பனையாகியிருக்கலாம் என கூறப்படுகிறது. இது அங்குள்ள மக்களை கொந்தளிக்க செய்துள்ளது.
30 வினாடிகள் முதல் 5 நிமிடம் வரை ஓடும் இந்த கற்பழிப்பு வீடியோக்களை ரூ.50 முதல் 150 வரை விற்று வருகின்றனர்.
இந்த வீடியோக்களை ரகசியமான முறையில், நம்பகமான வாடிக்கையாளர்களின் உதவியுடன் வருபவர்களுக்கு தருகின்றனர். வீடியோக்கள் பரவலான முறையில் விற்கபடுவதால் இந்த செய்தி வெளிவந்துள்ளது. இந்த வீடியோக்களை சிலர் பேஸ்புக் மற்றும் டிவிட்டரிலும்கூட பதிவு செய்துள்ளதாக தெரிகிறது.
