மாயமான விமானம் பற்றி பாராளுமன்றத்தில் கேள்வி: மந்திரி அனந்த குமார் பதில்

புதுடெல்லி:

பாராளுமன்றத்தில் நேற்று கேள்வி நேரம் முடிந்ததும், சென்னையில் இருந்து 29 பேருடன் போர்ட்பிளேர் நகருக்கு சென்ற விமானம் மாயமானது பற்றி காங்கிரஸ் தலைவர் மல்லிகார்ஜுன கார்கே கேள்வி எழுப்பினார். மாயமான விமானத்தை பற்றி எந்த தகவலும் கிடைக்காததால் ஒட்டுமொத்த தேசமே கவலையில் ஆழ்ந்து இருப்பதாகவும், எனவே இதுகுறித்து ராணுவ மந்திரி விளக்கம் அளிக்கவேண்டும் என்றும் அப்போது அவர் கூறினார்.

அதற்கு பாராளுமன்ற விவகார மந்திரி அனந்தகுமார் பதில் அளிக்கையில், மாயமான விமானம் என்ன ஆனது என்பது குறித்து தேசமும், அரசும் கவலை அடைந்து இருப்பதாகவும், அதை கண்டுபிடித்து மீட்க விமானப்படை அனைத்து முயற்சிகளையும் மேற்கொண்டு இருப்பதாகவும் தெரிவித்தார். எதிர்க்கட்சி தலைவர் தெரிவித்த கருத்து ராணுவ மந்திரிக்கு தெரிவிக்கப்படும் என்றும் அப்போது அவர் கூறினார்.