சேலம்:
சேலம் சிவதாபுரம் அருகே உள்ள பெத்தாம்பட்டி மேல்காடு பகுதி சேர்ந்தவர் ராஜ்குமார். இவரது மனைவி கலைவாணி (வயது 30). இவர் நேற்று மாலை வீட்டில் இருந்த கம்ப்ரஸர் மோட்டாரை நிறுத்த முயன்றார்.
அப்போது எதிர்பா ராத விதமாக கலைவாணி அணிந்திருந்த துப்பட்டா கம்ப்ரஸர் மோட்டாரில் சிக்கியது. உடனடியாக துப்பட்டாவை எடுக்கும் முயற்சியில், கலைவாணி கையை மோட்டாருக்குள் விட்டபோது, அவருடைய 4 விரல்களும் நசுங்கியது. வலியால் அலறி துடித்த அவரை குடும்பத்தினர் மீட்டு சேலம் அரசு மருத்துவமனையில் சேர்த்தனர்.
அங்கு அவருக்கு சிகிச்சை அளிக்கப்பட்டு வருகிறது. இதுகுறித்து இரும்பாலை போலீசார் விசாரணை நடத்தி வருகின்றனர்.
