குமாரபாளையம்:
குமாரபாளையம் நகரில் பெரிய அளவிலான மற்றும் சிறிய அளவிலான விநாயகர் சிலைகள் விற்பனை மையங்கள் அதிகம் உள்ளன. தற்போது கடந்த சில நாட்களாக தினமும் மழை பெய்து வருகிறது. இதனால் சிலை வாங்க வரும் பொதுமக்கள் தயக்கம் காட்டி வருகின்றனர். இது பற்றி சிலை தயாரிக்கும் வியாபாரிகள் கூறுகையில், விநாயகர் சதுர்த்தி இன்னும் சில நாட்களில் வரவுள்ளது. இந்த ஓரிரு நாட்கள் தான் வியாபாரம் நடக்கும். தற்போது பெய்து வரும் தொடர்மழையால் சிலை விற்பனையை பெரிதும் பாதித்து வருகிறது. ஓரிரு நாட்கள் மழை இல்லாமல் இருந்தால் சிலை வியாபாரம் நன்றாக இருக்கும் என்றனர்.
