என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
வைகை ஆற்றங்கரையில் தர்ப்பணம் கொடுத்த பொதுமக்கள்
- ஆடி அமாவாசை தினமான இன்று வைகை ஆற்றங்கரையில் பொதுமக்கள் தர்ப்பணம் கொடுத்தனார்.
- மதுரை மீனாட்சி அம்மன் கோவில், தெப்பக்குளம் மாரியம்மன் கோவில் உள்பட பல்வேறு கோவில்களில் சிறப்பு பூஜை மற்றும் வழிபாடுகள் நடத்தப்பட்டன.
மதுரை
தமிழ் மாதத்தின்படி இன்று ஆடி அமாவாசை தினமாகும். சூரியனும், சந்திரனும் ஒரே ராசியில் சஞ்சரிக்கும் தினம். இந்த நாளில் முன்னோர்களுக்கு தர்ப்பணம் கொடுத்து குலதெய்வத்தை வழிபடுவதும், அம்மன் வழிபாடு நடத்துவதும் மிகுந்த புண்ணியம் தரும் என்று பக்தர்கள் நம்புகின்றனர்.
பொதுவாக அமாவா சைக்குப் பின் பெளர்ணமி வரை வளர்பிறை சுக்ல பட்சம். அப்போது சுப காரியங்களையும் செய்யலாம்.
ஆடி அமாவா சையை முன்னிட்டு இன்று வைகை ஆற்றங்கரையில் முன்னோர்களுக்கு தர்ப்பணம் கொடுப்பதற்காக ஏராளமான பொதுமக்கள் அதிகாலை முதலே திரண்டனர். அங்கு அவர்கள் புரோகிதர்கள் முன்னிலையில் எள்ளும் தண்ணீரும் இறைத்து முன்னோர்களுக்கு தர்ப்பணம் கொடுத்தனர்.
மதுரை மாநகரில் ஆடி அமாவாசையை முன்னிட்டு மதுரை மீனாட்சி அம்மன் கோவில், தெப்பக்குளம் மாரியம்மன் கோவில், ரிசர்வ் லைன் மாரியம்மன் கோவில், ஜெய்ஹிந்த்புரம் வீரகாளி அம்மன் கோவில் உள்பட பல்வேறு கோவில்களில் சிறப்பு பூஜை மற்றும் வழிபாடுகள் நடத்தப்பட்டன. அங்கு பக்தர்கள் சாமி தரிசனம் செய்தனர். பின்னர் கோவில்களுக்கு முன்பு நின்ற பசுக்களுக்கு அகத்திக்கீரைகளை வழங்கினர்.
இதனைத் தொடர்ந்து வீடுகளில் சாமி படங்களுக்கு முன்பாக புத்தாடைகள் வைத்து அறுசுவை படையல் இட்டு, இறைவழிபாடு நடத்தப்பட்டது. அதன் பிறகு காகங்களுக்கு உணவுகள் படைத்து பொதுமக்கள் குடும்பத்துடன் ஒன்றாக சாப்பிட்டனர்.
மதுரை மாவட்டத்தில் ஆடி அமாவாசையை முன்னிட்டு மாநகர்- மாவட்டத்தில் உள்ள பல அம்மன் கோவில்களில் சிறப்பு வழிபாடுகள் நடைபெற்றது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்