மதுரை
தமிழக எஸ்.டி.டி.யூ தொழிற்சங்க பொதுக்குழு கூட்டம் மதுரையில் நடந்தது. தேசிய தலைவர் அஜீஸ் அப்துல் கான், மாநில தலைவர் ஆசாத், துணைத் தலைவர் அப்துல் ஹமீது மற்றும் சிக்கந்தர் உள்பட பலர் கலந்து கொண்டனர்.
இந்த கூட்டத்தில் ஆலைகளில் பணி புரியும் தொழிலாளர் நல சட்டங்களை மாற்றி அமைத்த மத்திய அரசுக்கு கண்டனம் தெரிவிப்பது, ஆட்டோ ஓட்டுநர்களின் நலனை கருத்தில் கொண்டு கட்டணத்தை மாற்றி அமைக்க வேண்டும், மத்திய அரசு நூல் விலையை குறைத்து பின்னலாடை தொழிலாளர்களின் வாழ்வாதாரத்தை பாதுகாக்க வேண்டும், சாலை போக்குவரத்து சேவையில் ஈடுபடும் கார்ப்பரேட் நிறுவனங்களுக்கு தடை விதிக்க வேண்டும்.
தமிழக அரசு தொழிலாளர் நல வாரியத்தின் நலத்திட்ட உதவிகளை தொடர்ந்து வழங்க வேண்டும், கச்சா எண்ணெய் விலை வீழ்ச்சியை கருத்தில் கொண்டு மத்திய அரசு உடனடியாக பெட்ரோல், டீசல், சமையல் எரி வாயு விலையை குறைக்க உள்ளிட்ட பல்வேறு தீர்மானங்கள் நிறைவேற்றப்பட்டன.
