கரூர்
கரூர் காமராஜர் மார்க்கெட் தற்காலிக கடைகள் திறக்கப்பட்டன. கரூர் காமராஜர் மார்க்கெட்டில் புதிய வணிக வளாகம் அமைக்கப்பட உள்ளது. இதற்காக அங்குள்ள கடைகள் இடித்து அகற்றப்பட்டு வருகிறது. இதற்காக அங்குள்ள வியாபாரிகளுக்கு இரட்டை வாய்க்கால் பாலத்தில் 68 தற்காலிக கடைகள் அமைக்கப்பட்டுள்ளன. இதில் முதற்கட்டமாக 21 கடைகள் திறப்பு விழா நேற்று நடைபெற்றது. கரூர் மாநகராட்சி மேயர் கவிதா திறந்து வைத்தார். கடைகள் ஒதுக்கீடு தொடர்பாக வியாபாரிகளிடையே சலசலப்பு ஏற்பட்டது. இதையடுத்து அவர்களிடம் பேச்சுவார்த்தை சுமூகமாக தீர்வு காணப்பட்டது.
