பாலக்கோடு:
தருமபுரி மாவட்டம் பாலக்கோடு அருகே உள்ள வாழைத்தோட்டம் கிராமத்தை ஒட்டி அடர்ந்த வனப்பகுதி உள்ளது . உணவு மற்றும் தண்ணீர் தேடி அடிக்கடி வனவிலங்குகள் ஊருக்குள் வருவதும் ஆடு கோழி உள்ளிட்ட கால்நடைகளை சேதப்படுத்தி வருவதாக பொதுமக்கள் தெரிவிக்கின்றனர்.
மேலும் நேற்று இரவு வனப்பகுதியை விட்டு வெளியேறிய சிறுத்தை ஒன்று விவசாயி வெங்கடாசலம் என்பவருக்கு சொந்தமான நிலத்தில் நடமாடியது.
அங்கு கூண்டில் அடைக்கப்பட்டுள்ள கோழியை திறந்து வாயில் கவ்விகொண்டு வனப்பகுதியை நோக்கி செல்லும் வீடியோ காட்சி தற்போது வெளியாகி கிராம மக்களிடையே பீதியை ஏற்படுத்தியுள்ளது.
மேலும் தொடர்ந்து இரவு நேரங்களில் சிறுத்தை ஊருக்குள் நுழைந்து கால்நடைகளை வேட்டையாடி வருவதால் அப்பகுதியில் உள்ள பொதுமக்கள் அச்சம் அடைந்து வருகின்றனர்.இதனால் இரவு நேரங்க ளில் கிராமத்துக்குள் புகு ந்து வரும் சிறுத்தையை கூண்டு வைத்து பிடிக்க வனத்துறையினருக்கு பொதுமக்கள் கோரிக்கை விடுத்துள்ளனர்.
