கன்னியாகுமரி:
குழித்துறை நகராட்சியில் நேற்று குமரி மாவட்ட கலெக்டர் அரவிந்த் திடீர் ஆய்வுப்பணி மேற்கொ ண்டார். நகராட்சியில் நடை பெறும் வளர்ச்சி பணிகள் குறித்து அதிகாரிகளிடம் அவர் கேட்டார்.
பின்னர் மார்த்தாண்டம் சந்தை பகுதியில் உள்ள டெம்போ நிறுத்துமிடம், சேதமடைந்து காணப்படும் பழைய நூலகம் ஆகியவற்றை கலெக்டர் அரவிந்த் நேரில் பார்வையிட்டார். சந்தையில் புதிதாக கட்டப்பட இருக்கும் கட்டிடங்களுக்கான வசதிகள் குறித்து அவர் அதிகா ரிகளிடம் கேட்டறிந்தார்.
செயல்படாமல் கிடக்கும் மீன் பதப்படுத்தும் நிலையம் மற்றும் புதிய பஸ் நிலையம் ஆகியவற்றையும் பார்வையிட்ட அவர், மேற்கொள்ள வேண்டிய நடவடிக்கைகள் குறித்தும் ஆலோசனை வழங்கினார்.
புதிய பஸ் நிலையம் பகுதியில் நுழைவு வாயில் அமைத்து முன்னாள் முதல்வர் கலைஞர் கருணாநிதி பெயர் சூட்ட நகர்மன்றத்தில் கொண்டு வரப்பட்ட தீர்மானத்தின்படி அதற்கான அனுமதியை வழங்க குழித்துறை நகர்மன்றத் தலைவர் பொன்.ஆசைத்தம்பி கோரிக்கை விடுத்தார். அதன்படி அந்த இடத்தை கலெக்டர் அரவிந்த ஆய்வு செய்தார்.
ஆய்வின்போது நகர்மன்ற ஆணையர் ராமதிலகம், துணைத் தலைவர் பிரவீன் ராஜா, கவுன்சிலர்கள் ரெத்னமணி, பிஜூ, அருள்ராஜ், ரீகன் மற்றும் அதிகாரிகள் உடன் இருந்தனர்.
