கபிஸ்தலம்:
கபிஸ்தலம் அருகே உள்ள கீழ கபிஸ்தலம், அக்ரஹாரம், சான்றோர் தோப்பு தெருவில் வசிப்ப வர் பாஸ்கரன் (விவசாயி). இவரது மனைவி ராஜேஸ்வரி. இந்நிலையில் இவர்கள் வீட்டை பூட்டி விட்டு விவசாய வேலைக்கு சென்றனர். திரும்பி வந்து பார்த்த போது வீட்டின் முன்புற கதவு உடைக்கப்பட்டு இருந்ததை கண்டு அதிர்ச்சி யடைந்தனர்.
உள்ளே சென்று பார்த்த போது பீரோவை உடைத்து 12 பவுன் தங்க நகைகள், ரூ.5 ஆயிரம் ரொக்கம் பணத்தை மர்மநபர்கள் திருடி சென்றது தெரியவந்தது.
இது குறித்து கபிஸ்தலம் போலீஸ் நிலையத்தில் புகார் செய்யப்பட்டது.அதன் பேரில் பாபநாசம் துணை போலீஸ் சூப்பிரண்டு பூரணி, இன்ஸ்பெக்டர் அனிதா கிரேசி, சிறப்பு சப்- இன்ஸ்பெக்டர் அன்பழகன், மற்றும் போலீசார் வழக்குப்பதிவு செய்து மர்மநபர்களை வலைவீசி தேடி வருகின்றனர்.
