சாத்தான்குளம், எட்டயபுரத்தில் பரவலாக மழை

நெல்லை:

நெல்லை, தென்காசி, தூத்துக்குடி மாவட்டங்களில் கடந்த சில நாட்களாக கோடை மழை பரவலாக பெய்து வந்தது. நேற்று மழை குறைந்த போதிலும் நெல்லை மாவட்டத்தில் நம்பியாறு அணை பகுதியில் மட்டும் கனமழை பெய்தது.

 மூலக்கரைப்பட்டி மற்றும் அதன் சுற்றுவட்டார பகுதியில் பரவலாக மழை பெய்தது.
 
மாவட்டத்தின் பிற பகுதிகளில் வானம் மேகமூட்டத்துடன் காணப்பட்டது.

அதிகபட்சமாக நம்பியாறு அணை பகுதியில் 20 மில்லிமீட்டரும், மூலக்கரைப்பட்டியில் 10 மில்லிமீட்டரும் மழை பெய்தது. அம்பை, கல்லிடைக்குறிச்சி, வி.கே.புரம் பகுதியில் வானம் மேகமூட்டத்துடன் காணப்பட்டது. தென்காசி மாவட்டத்தில் நேற்று மழை இல்லை.

தூத்துக்குடி மாவட்டத்தை பொறுத்தவரை எட்டயபுரம், சாத்தான்குளம் பகுதிகளில் பலத்த மழை பெய்தது. சாத்தான்குளத்தில் பெய்த மழையால் சாலைகளில் ஆங்காங்கே தண்ணீர் தேங்கியது.  

மாநகர பகுதியில் வானம் மேகமூட்டத்துடன் காணப்பட்டது. இதமான காற்று வீசியதால் குளிர்ந்த சூழ்நிலை நிலவியது.