கன்னியாகுமரி:
ராமநாதபுரம் மாவட்டம் பரமக்குடியை சேர்ந்தவர் பத்மநாபன். இவரது மகன் செல்வகுமார் (வயது31).இவர் மணிமுத்தாறு போலீஸ் ஆயுதப்படையில் போலீஸ்காரராக உள்ளார். தற்போது இவர் குளச்சல் துறைமுக சோதனைச் சாவடியில் பணி புரிந்து வருகிறார்.
நேற்று முன்தினம் இரவு செல்வகுமார் அண்ணாசிலை சந்திப்பிற்கு நடந்து சென்று கொண்டிருந்தார். குளச்சல் கிராம நிர்வாக அலுவலகம் திருப்பில் செல்லும்போது அந்த வழியாக சென்ற அடையாளம் தெரியாத பைக் ஒன்று அவர் மீது மோதிவிட்டு நிற்காமல் சென்றுவிட்டது.
இதில் படுகாயமடைந்த செல்வகுமாரை அப்பகுதியினர் மீட்டு நாகர்கோவிலில் ஒரு தனியார் ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது.இது குறித்து குளச்சல் போலீசார் வழக்குப்பதிவு செய்து போலீஸ்காரர் மீது மோதிவிட்டு நிற்காமல் சென்ற பைக் குறித்து துப்பு துலக்கி வருகின்றனர்.
