நாமக்கல்:
நாமக்கல் போதுப்பட்டி சாலையில் உள்ள ஏ.எஸ்.பேட்டையில் ஆண்டு தோறும் செல்வ விநாயகர் மற்றும் பகவதியம்மன் கோவில் திருவிழா வெகு விமரிசையாக நடைபெறும். அந்த வகையில் நேற்று முன்தினம் திருவிழா தொடங்கியது.
இதையொட்டி அம்மனுக்கு அபிஷேகம் செய்ய மோகனூர் காவிரி ஆற்றில் இருந்து கோவிலுக்கு தீர்த்தம் எடுத்து வரப்பட்டது. மாலையில் வேல் எடுத்தல், கும்பம் பாழித்தல் போன்ற நிகழ்வுகள் நடந்தன.
நேற்று காலை வேல், திருவீதி உலா நடத்தப்பட்டது. மாலையில் மாவிளக்கு பூஜையும், இரவு வாணவேடிக்கையும் நடைபெற்றது. இதையொட்டி சாமி சிறப்பு அலங்காரத்தில் பக்தர்களுக்கு அருள்பாலித்தார்.
இன்று (செவ்வாய்க்கிழமை) இரவு 7 மணிக்கு கும்பம் கிணற்றில் விடும் நிகழ்ச்சி நடக்கிறது.
