பழவேற்காடு:
பொன்னேரி அடுத்த திருப்பாலைவனம் பகுதியைச் சேர்ந்தவர் பாலாஜி (வயது 20). கூலி தொழிலாளி.
இவர் நேற்று முன்தினம் தனது குடும்பத்துடன் பழவேற்காடு கடல் பகுதிக்கு சென்றார். அங்கு பாலாஜி கடலில் இறங்கி குளித்தார். அப்போது எழுந்த ராட்சத அலை பாலாஜியை கடலுக்குள் இழுத்து சென்றது.
இதில் அவர் தண்ணீரில் மூழ்கினார். இதனை கண்டு அதிர்ச்சி அடைந்த குடும்பத்தினர் அவரை மீட்க முயன்றும் முடியவில்லை.
கடலில் மூழ்கிய பாலாஜியை கடந்த 3 நாட்களாக குடும்பத்தினர் மற்றும் போலீசார் தேடி வந்தனர்.
இந்த நிலையில் இன்று காலை பழவேற்காடு வைரவன் குப்பம் கடற்கரையில் பாலாஜியின் உடல் கரை ஒதுங்கியது.
இதனை பார்த்து அதிர்ச்சி அடைந்த அப்பகுதி மக்கள் திருப்பாலைவனம் போலீசுக்கு தகவல் தெரிவித்தனர். போலீசார் உடலை கைப்பற்றி விசாரணை நடத்தி வருகிறார்கள்.
