என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
X
மதுரையில் பூஸ்டர் தடுப்பூசி சிறப்பு முகாம்
Byமாலை மலர்27 Jan 2022 11:34 AM GMT (Updated: 27 Jan 2022 11:34 AM GMT)
மதுரை மாட்டத்தில் 115 இடங்களில் கொரோனா பூஸ்டர் தடுப்பூசி சிறப்பு முகாம் நடந்தது.
மதுரை
மதுரை மாவட்டத்தில் கொரோனா பரவல் அதிகரித்து வருகிறது. எனவே மத்திய அரசு நோய்த்தொற்று பரவலை தடுக்கும் வகையில் ‘கோவேக்சின்’, ‘கோவீசில்டு’ ஆகிய 2 தடுப்பூசிகளை அறிமுகப்படுத்தியது.
அவற்றை 2 தவணைகளில் போட்டுக்கொள்ள வேண்டியது அவசியம். அதன்படி மதுரை மாவட்டத்தில் இதுவரை 33 லட்சத்துக்கும் மேற்பட்டோருக்கு தடுப்பூசிகள் போடப்பட்டு உள்ளது.
இந்த நிலையில் கொரோனா நோய் பரவல் அதிகரிப்பை கருத்தில் கொண்டு சுகாதார பணியாளர்கள், முன்களப்பணியாளர்கள், மற்றும் 60 வயதுக்கு மேற்பட்ட இணை நோயாளிகள் ஆகியோருக்கு பூஸ்டர் டோஸ் தடுப்பூசி போடுவது என்று தமிழக அரசு முடிவு செய்தது.
இதன்படி மதுரை மாவட்டத்தில் 43 ஆயிரத்து 688 பேருக்கு பூஸ்டர் தடுப்பூசி போடுவது என்று மாவட்ட நிர்வாகம் முடிவு செய்து உள்ளது. இதில் 13 ஆயிரத்து 980 பேர் சுகாதார ஊழியர்கள், 9 ஆயிரத்து 203 பேர் முன்களப்பணியாளர்கள், 20 ஆயிரத்து 505 பேர் 60 வயதுக்கு மேற்பட்ட இணை நோயாளிகள் ஆவர்.
மதுரை மாவட்டத்தில் சுகாதார ஊழியர்கள், முன்கள பணியாளர்கள் மற்றும் 60 வயதுக்கு மேற்பட்டோருக்கு பூஸ்டர் டோஸ் தடுப்பூசி போடும் பணி கடந்த 11ந் தேதி தொடங்கியது.
இந்த நிலையில் மதுரை மாவட்டத்தில் இன்று 115 இடங்களில் பூஸ்டர் தடுப்பூசி முகாம் நடந்து வருகிறது. இதுதொடர்பாக மதுரை மாவட்ட சுகாதார துறை துணை இயக்குனர் செந்தில்குமார் கூறுகையில், மதுரை மாவட்டத்தில் 115 மையங்களில் பூஸ்டர் தடுப்பூசி போடப்பட்டு வருகிறது. இதனை போட்டுக்கொள்ள பொதுமக்கள் ஆர்வம் காட்டி வருவது மகிழ்ச்சி தருகிறது என்று தெரிவித்து உள்ளார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X