சேலம்:
குடியரசு தினத்தை முன்னிட்டு வருகின்ற 26 ம்தேதி சேலம் மாவட்டத்தில் அனைத்து மதுபானக்கடைகள் மற்றும் மதுபானக் கூடங்களை மூட உத்தரவிடப்பட்டுள்ளது. தமிழ்நாடு அரசு அரசாணை எண்.50, உள், மதுவிலக்கு மற்றும் ஆயத்தீர்வைத்துறையின் அறிவுறுத்தலின்படி மதுபானக்கடைகள் மூடப்பட வேண்டுமெனத் தெரிவிக்கப்பட்டுள்ளது.
சேலம் மாவட்டத்தில் உள்ள அனைத்து உரிமம் பெற்ற ஹோட்டல் மற்றும் கிளப்புகளில் இயங்கிவரும் மதுபானக்கூடங்கள், டாஸ்மாக் மதுபானக்கடைகள் மற்றும் டாஸ்மாக் மதுபானக்கடைகளுடன் இணைந்துள்ள மதுபானக்கூடங்கள் அன்று மூடப்பட வேண்டும் அன்றைய தினம் மதுபானம். அன்று மதுபானங்கள் விற்பனை செய்யக்கூடாது.
இதனை மீறி விற்பனை செய்பவர்கள் மீது அரசு விதிகளின்படி கடுமையான நடவடிக்கை எடுக்கப்படும் என்று சேலம் மாவட்ட கலெக்டர் கார்மேகம் தெரிவித்து உள்ளார்.
