குடவாசல்:
குடவாசல் பகுதியில் போலீஸ் சப்-இன்ஸ்பெக்டர் மணிமாறன் மற்றும் போலீசார் ரோந்து பணியில் ஈடுபட்டனர். அப்போது ஏரூர்ந்தவாடி ஆச்சி பகுதியில் வந்த சரக்கு வாகனத்தை நிறுத்தி சோதனை மேற்கொண்டனர்.
அதில் அனுமதியின்றி மணல் ஏற்றி வந்தது தெரியவந்தது. பின்னர் சரக்கு வாகனத்தில் வந்தவரை பிடித்து விசாரணை நடத்தினர். விசாரணையில் அவர் குடவாசல் அருகே உள்ள ஆடிபுலியூர் மேலத்தெருவை சேர்ந்த ஜோதிபாசு(வயது36) என்பது தெரியவந்தது.
இதுகுறித்து போலீசார் வழக்குப்பதிவு செய்து ஜோதிபாசுவை கைது செய்து அவரிடம் இருந்து சரக்கு வாகனத்தை பறிமுதல் செய்தனர்.
