என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
X
பாலக்கோடு மார்க்கெட்டுக்குவரத்து குறைவால் தக்காளி விலை உயர்வு
Byமாலை மலர்8 Dec 2021 8:37 PM GMT (Updated: 8 Dec 2021 8:37 PM GMT)
பாலக்கோடு பகுதிகளில் இருந்து மார்க்கெட்டுக்கு தக்காளி வரத்து மீண்டும் குறையத்தொடங்கியது. இதனால் விலையும் அதிகரிக்க தொடங்கி உள்ளது.
பாலக்கோடு:
தர்மபுரி மாவட்டம் பாலக்கோடு, மாரண்டஅள்ளி மற்றும் பல்வேறு பகுதிகளில் ஏராளமான விவசாயிகள் காய்கறி சாகுபடி செய்துள்ளனர். குறிப்பாக தக்காளி அதிகளவில் சாகுபடி செய்துள்ளனர். இங்கு விளையும் தக்காளியை விவசாயிகள் பாலக்கோட்டில் உள்ள மார்க்கெட்டுக்கு விற்பனைக்காக கொண்டு வருகின்றனர். அங்கு நாள் ஒன்றுக்கு 50 டன் வரை தக்காளி விற்பனை செய்யப்படுகிறது.
இந்த தக்காளிகளை வியாபாரிகள் வாங்கி திருச்சி, கோவை, சேலம், மதுரை உள்ளிட்ட பல்வேறு மாவட்டங்களுக்கு அனுப்பி வருகின்றனர். கடந்த சில வாரங்களாக பெய்த தொடர் மழையின் காரணமாக தக்காளிகள் செடிகளிலேயே அழுகின. இதனால் மார்க்கெட்டுக்கு வரத்து குறைந்து தக்காளி விலை கிடுகிடுவென உயர்ந்தது.
இந்தநிலையில் ஆந்திரா, கர்நாடகா உள்ளிட்ட அண்டை மாநிலங்களில் இருந்து தக்காளி வரத்தொடங்கியதால் விலை குறையத்தொடங்கியது. தற்போது பாலக்கோடு பகுதிகளில் இருந்து மார்க்கெட்டுக்கு தக்காளி வரத்து மீண்டும் குறையத்தொடங்கியது. இதனால் விலையும் அதிகரிக்க தொடங்கி உள்ளது.அதன்படி நேற்று பாலக்கோடு மார்க்கெட்டில் ஒரு கிரேடு (20 கிலோ) தக்காளி ரூ.2 ஆயிரத்துக்கு விற்பனை செய்யப்பட்டது. வெளி மார்க்கெட்டில் ஒரு கிலோ தக்காளி ரூ.100-க்கு விற்பனை செய்யப்பட்டது. தக்காளி விலை மீண்டும் உயர்வால் விவசாயிகள் மகிழ்ச்சி அடைந்துள்ளனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X