சென்னை:
அ.ம.மு.க. பொதுச் செயலாளர் டி.டி.வி. தினகரன் டுவிட்டர் பதிவில் கூறியிருப்பதாவது:-
திருவள்ளூர் மாவட்டம், திருவேற்காடு அம்மா உணவகத்தில் இருந்து ஜெயலலிதா படம் தி.மு.க.வினரால் அகற்றப்பட்டது. கண்டனத்திற்குரியது. அடிக்கடி இதுபோன்ற நிகழ்வுகள் தொடர்வது சரியானதல்ல. அம்மா உணவகங்கள் தொடர்ந்து செயல்படும் என முதல்-அமைச்சர் மு.க.ஸ்டாலின் கூறிய பிறகும் இத்தகைய அதிகார அத்துமீறல்கள் நடைபெறுவதற்கு தி.மு.க. அரசு என்ன பதில் சொல்லப் போகிறது?
இவ்வாறு அதில் கூறியுள்ளார்.
