என் மலர்

    உள்ளூர் செய்திகள்

    முதலமைச்சர் மு.க.ஸ்டாலின்
    X
    முதலமைச்சர் மு.க.ஸ்டாலின்

    வரதராஜபுரம்-முடிச்சூர் பகுதிகளில் மு.க.ஸ்டாலின் மீண்டும் ஆய்வு

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    வெள்ளம் பாதித்த பகுதிகளை முதல்-அமைச்சர் மு.க.ஸ்டாலின் ஏற்கனவே நேரில் சென்று பார்வையிட்டு வெள்ளத்தை வடிய வைக்க விரைந்து நடவடிக்கை மேற்கொள்ளுமாறு அதிகாரிகளுக்கு அறிவுரை வழங்கி இருந்தார்.
    சென்னை:

    கடந்த 10 நாட்களுக்கு முன்பு சென்னை மற்றும் புறநகர் பகுதிகளில் பெய்த பலத்த மழையின் காரணமாக தாம்பரத்தை அடுத்த வரதராஜபுரம், முடிச்சூர் பகுதிகளில் அதிக வெள்ள பாதிப்பு ஏற்பட்டது.

    அந்த பகுதிகளில் உள்ள ஏரிகள் நிரம்பி வழிந்ததால் வரதராஜபுரம் பி.டி.சி.குடியிருப்பு பகுதிகள் மகாலட்சுமி நகர், இரும்புலியூர் டி.டி.கே.நகர், வன்னியன்குளம், முடிச்சூர் அமுதம் நகர் பகுதிகளில் ஏரித்தண்ணீர் பெருக்கெடுத்து ஓடியது.

    வெள்ளம் பாதித்த பகுதிகளை முதல்-அமைச்சர் மு.க.ஸ்டாலின் ஏற்கனவே நேரில் சென்று பார்வையிட்டு வெள்ளத்தை வடிய வைக்க விரைந்து நடவடிக்கை மேற்கொள்ளுமாறு அதிகாரிகளுக்கு அறிவுரை வழங்கினார். இதனை தொடர்ந்து மழைநீரை வடிய வைக்கும் பணிகள் முழுவீச்சில் நடைபெற்று வந்தது.

    இதைத் தொடர்ந்து அந்த பகுதிகளில் எந்த அளவுக்கு மழைநீர் வடிந்துள்ளது. என்னென்ன வெள்ளத்தடுப்பு பணிகள் நடைபெற்றுள்ளன என்பதை கண்டறிய முதல்-அமைச்சர் மு.க.ஸ்டாலின் இன்று மீண்டும் அங்கு சென்று ஆய்வு மேற்கொண்டார். முதலில் இரும்புலியூர் டி.டி.கே. நகர், வன்னியன்குளம் பகுதிக்கு சென்று அங்கு நடைபெற்றுவரும் வெள்ளத்தடுப்பு பணிகளை பார்வையிட்டார். அதன் பிறகு முடிச்சூர் ஊராட்சியில் அமுதம் நகர் பகுதியில் நடைபெற்ற வெள்ளத்தடுப்பு பணிகளை பார்வையிட்டார்.

    இதன் பிறகு வெள்ளத்தால் பாதிக்கப்பட்ட வரதராஜபுரம் டி.டி.சி.குடியிருப்பு பகுதிக்கு சென்று பார்வையிட்டார். அந்த பகுதியில் மகாலட்சுமி நகர் மேம்பாலம் பகுதியில் நீர்வளத்துறையால் தற்காலிகமாக ஏற்படுத்தப்பட்ட வெள்ளத்தடுப்பு பணிகளை பார்வையிட்டு ஆய்வு மேற்கொண்டார்.

    அங்கு நடைபெற்று வரும் பணிகளை ஊரக தொழில்துறை அமைச்சர் தா.மோ.அன்பரசன், எஸ்.ஆர்.ராஜா எம்.எல்.ஏ. சிறப்பு அதிகாரி அமுதா, மாவட்ட பஞ்சாயத்து குழு சேர்மன் படப்பை மனோகரன், காஞ்சிபுரம் கலெக்டர் ஆர்த்தி, செங்கல்பட்டு கலெக்டர் ராகுல்நாத் மற்றும் நீர்வளத்துறை, பொதுப்பணித்துறை அதிகாரிகள் விளக்கி கூறினார்கள்.

    முதல்-அமைச்சர் மு.க.ஸ்டாலின் 2-வது முறையாக இந்த பகுதிகளுக்கு வந்து ஆய்வு செய்து விட்டு சென்றதற்கு பொதுமக்கள் வரவேற்பு தெரிவித்துள்ளனர்.


    Next Story
    ×